ინტერპარტიული ჯგუფი დღეს ვენეციის კომისიის წევრებს ხვდება

პოლიტიკა - 11:02, 18 Feb, 2016

1077

ვენეციის კომისიის წევრები დღეს ინტერპარტიული ჯგუფის წევრებს შეხვდებიან. არასაპარლამენტო ოპოზიცია შეხვედრაზე მაჟორიტარული სისტემის გაუქმების მნიშვნელობაზე ისაუბრებს.

არასაპარლამენტო ოპოზიცია სტუმრებს მაჟორიტარული ოლქების დაყოფის რუკას წარმოუდგენს და იმ დეტალებზე ისაუბრებს, რომლითაც ხელისუფლება 2016 წლის ოქტომბრის არჩევნების ჩატარებას აპირებს და რასაც ოპოზიცია მიუღებლად მიიჩნევს.

„ინფორმაციას მივაწვდოთ იმ გლობალურ ნაკლოვანებებზე, რაც ჭირს საარჩევნო გარემოს ჩვენს ქვეყანაში საარჩევნო სიტემას და ხელისუფლებას თუ არ უნდა , რომ 2016 წლის არჩევნებს დაემუქროს პოლიტიკური ლეგიტიმაციის პრობლემა, ბუნებრივია ის რეკომენდაციები, რომელსაც ვენეციის კომისია მარტის დასკვნაში გაითვალისწინებს და ის წინადადებები რომელსაც ჩვენ წინდაწინ ვთავაზობთ ხელისუფლებას, მათ უნდ გაითვალისწინონ.“- განაცხადა მამუკა კაციტაძემ.

პაატა დავითაიას თქმით ხელისუფლება ყველანაირად ცდილობდა , რომ ინტერპარტიული ჯგუფი ვენეციის კომისიას არ შეხვედროდა. მისი თქმით ინტერპარტიული ჯგუფი ვენეციის კომისიას წარუდგენს რუკას სადაც ნაჩვენები იქნება როგორ ჩეხავს ხელისუფლება ოლქებს იმ მიზნით, რომ არჩევნები მათ სასარგებლოდ წარიმართოს.

„ჩვენ კომისიას წარვუდგენთ რუკას, სადაც ცალსახად იქნება ნაჩვენები თუ როგორ ხდება ოლქების დაჩეხვა და როგორ ცდილობს ხელისუფლება მიითვისოს ხმები. ვენეციის კომისიას უნდა ვაჩვენოთ, რომ ასე ევროპის კომისიაში იქცევა მხოლოდ რუსეთი რომელიც უკვე მიღებულ კანონებს აგზავნის“- განაცხადა პაატა დავითაიამ.