,,სამინისტროების გაუქმებით მილიონობით ლარს დავზოგავთ“ - რომელ უწყებას უწოდა ქადაგიძემ საბჭოთა გადამონაშთი

პოლიტიკა - 22:24, 16 Feb, 2016

3921

რა დაუმალეთ საზოგადოებას? - ამ კითხვით მიმართა "არჩევაბის" სტუდიაში მყოფმა "Forbes Georgia"–ს რედაქტორმა გიორგი ისაკაძემ ეროვნული ბანკის პრეზიდენტს.

როგორც ისაკაძემ აღნიშნა, სებ-ის პრეზიდენტი კრიზისიდან გამოსვლის რეკომენდაციებს არ იძლეოდა. "თუ საუბრობთ იმაზე სად შეიძლება ბიუროკრატიის შემცირება და რა უნდა გაკეთდეს ამ მიმართულებით, საქართველო დღეს 19 სამინისტროს მიერ იმართება რომ არაფერი ვთქვათ სიპ-ებზე. ვფიქრობ, რომ შესაძლებელია, გაუქმდეს ყველა უპორტფელო სამინისტრო უკლებლივ. მაგალითად, ევროინტეგრაციის სამინისტრო გაუქმდეს და, როგორც დეპარტამენტი, შეუერთდეს საგარეო საქმეთა სამინისტროს. მაგალითად, სასჯელაღსრულების სამინისტრო, რომელიც არ გხვდება თითქმის არც ერთ ევროპულ ქვეყანაში. ასევე, სპორტის სამინისტრო, რომელიც მთლიანად შეგვიძლია, გავაუქმოთ. პროფესიული სპორტი დავუთმოთ ფედერაციებს, ახალგაზრდულ საქმეთა დეპარტამენტი კი გადავცეთ ან განათლების სამინისტროს ან თავდაცვის სამინიტროს, როგორც არის შვეიცარიაში ან ავსტრიაში. ასევე, კულტურის სამინისტრო, რომელიც არის პრაქტიკულად საბჭოთა გადმონაშთი,“ - აცხადებს გიორგი ქადაგიძე.