პორნოგრაფიული საიტები საქართველოში ფასიანი გახდება

პოლიტიკა - 14:09, 16 Feb, 2016

5035

ჯანმრთელობის დაცვისა და სოციალურ საკითხთა კომიტეტის თავმჯდომარე ახალ პროექტზე, „უსაფრთხო ინტერნეტი ბავშვებისათვის“ დამატებით განმარტებას აკეთებს. დიმიტრი ხუნდაძის თქმით, ინტერნეტში ისეთი ტიპის ინფორმაციაზე რამაც შეიძლება ბავშვს ზიანი მიაყენოს რეგულაციები უნდა დაწესდეს, ასეთ ტიპის ინფორმაციად მოიაზრებს დეპუტატი პორნო საიტებსაც, ხუნდაძის თქმით შესაძლოა მსგავსი ხასიათის საიტებზე შესვლა ფასიანი გახდეს.

„ისეთი ტიპის ინფორმაციაზე რამაც შეიძლება გარკვეული რისკები შექმნას და ზიანი მიაყენოს, განსაკუთრებით მცირეწლოვან ბავშვებს, რომლებიც ბოლო პერიოდისათვის საკმაოდ ხშირად მოიხმარნენ ინტერნეტს სხვადასხვა ინფორმაციაზე წვდომისათვის, მე ვფიქრობ გარკვეული რეგულაციები უნდა არსებობდეს, რომ ისინი დავიცვათ ამ საფრთხეებისგან. საფრთხებში იგულისხმება პორნოსაიტებზე ინფორმაციის წვდომის სიადვილე. ინფორმაციები, რომელიც შეიძლება ზიანის მომტანი შეიძლება აღმოჩნდეს ბავშვებისთვის, ის უნდა დაიბლოკოს, თუმცა თუ ვინმეს წვდომა ჰქონდეს ამ ტიპის ინფორმაციაზე ასაკის გათვალისწინებით, მათ შეეძლებათ გარკვეული საფასურის გადახდის შემდეგ ეს ინფორმაცია მათთვის იყოს ხელმისაწვდომი.“ - განაცხადა დეპუტატმა.