უხეში დარღვევები იკვეთებოდა მოსამართლეთა მხრიდან, რეაგირება კი არ მომხდარა

უხეში დარღვევები იკვეთებოდა მოსამართლეთა მხრიდან, რეაგირება კი არ მომხდარა - ომბუდსმენი

პოლიტიკა - 12:15, 16 Feb, 2016

1503

სახალხო დამცველი უჩა ნანუაშვილი აბობს, რომ იუსტიციის საბჭომ რამდენიმე რეკომენდაციაზე რეაგირება არ მოახდინა.

„რეკომენდაციების დიდი ნაწილი გაცემული იყო იუსტიციის საბჭოს მისამართით. აქ საუბარია დისციპლინარული საქმის წარმოების დაწყებასთან დაკავშირებით, როდესაც უხეში დარღვევები იკვეთებოდა მოსამართლეთა მხრიდან და ამაზე სამწუხაროდ კვლავ არ არის რეაგირება. ასევე საქმის გაჭიანურებასთან დაკავშირებითაც იყო პრობლემები“- აღნიშნა ნანუაშვილმა.

პარლამენტის ადამიანის უფლებათა დაცვის კომიტეტში რეკომენდაციების შესრულების ხარისხზე მსჯელობენ. განიხილება იუსტიციის საბჭოს მიერ რეკომენდაციების გათვალისწინების დონე.

კომიტეტის სხდომას საბჭოს წარმომადგენლებიც ესწრებიან. ადამიანის უფლებათა დაცვის კომიტეტის თავმჯდომარის თქმით, ძალიან მნიშვნელოვანი იქნება ბოლო სიახლეები და დინამიკა, რაც სხდომაზე იქნება წარმოდგენილი.

„სასამართლოსთან დაკავშირებით ძალიან მნიშვნელოვანი საკითხები გამოვყავით გასულ წელს. ეს ეხებოდა წინასწარი აღმკვეთი ღონისძიებების გამოყენების პრაქტიკას, რომელიც კარგია, რომ უკვე შემცირდა და მხოლოდ 30 პროცენტი გვაქვს. ასევე ეხებოდა გაჭიანურებულ სასამართლო დავებს. სასამართლო გადაწყვეტილებების დროულად ჩაბარებას, ძალიან მნიშვნელოვანი იქნება ბოლო სიახლეები და ახალი დინამიკა სწორედ უზენაესმა სასამართლომ წარმოადგინოს“, - განაცხადა ბესელიამ.