"ეგ საკენკი დაუყაროს სხვას" - კაციტაძე უსუფაშვილს პასუხობს

პოლიტიკა - 18:48, 15 Feb, 2016

1835

საარჩევნო სისტემის შეცვლის საკითხზე, ინტერპარტიული ჯგუფის წევრი, მამუკა კაციტაძე "ნიუპოსტთან" საუბრისას ამბობს, რომ საქართველოში ვენეციის კომისიის ვიზიტი სწორედ არასაპარლამენტო ოპოზიციის აქტიურობის შედეგად დაიგეგმა.

"სტრასბურგში მყოფმა ჩვენმა დელეგაციამ რამდენიმე კვირის წინ გააცნო კომისიას ქვეყანაში არსებული საარჩევნო სისტემის ნაკლოვანებები, სწორედ მათგან მიიღეს მათ პასუხი, რომ ისინი თებერვალში ჩამოვიდოდნენ საქართველოში. დღეს კი, პარლამენტის მიერ დადგენილი გრაფიკის მიხედვით, ინტერპარტიული ჯგუფი შეხვედრის მონაწილეთა სიაში არ იყო. ხელიუფლების ინტერესში არ შედის, რომ ინტერპარტიული ჯგუფის წევრები შეხვდეს ვენეციის კომისიას. ჩვენ ჩვენს ხელთ არსებული კონტაქტებით, შევძელით კომისის წარმომადგენლობასთან დაკავშირება და ჩვენთან შეხვედრა ხუთშაბათს დაიგეგმა"- აღნიშნა კაციტაძემ.
რაც შეეხება საქართველოს პარლამენტის თავმჯდომარე დავით უსუფაშვილის განცხადებას, რომ ,,თუ მოხდება რიგგარეშე არჩევნები, 2016 წლიდანვე გვექნება პროპორციული სისტემა“ - ამ საკითხზე "ახალი მემარჯვენეების" ლიდერმა განაცხადა, რომ უსუფაშვილმა "ეგ საკენკი დაუყაროს სხვას".
"გამოდის რომ პარლამენტის თავმჯდომარემ რიგგარეშე არჩევნები დაანონსა. მარტივად ვპასუხობ მას: ეგ საკენკი, იმას დაუყაროს ვინც მას ჰგონია, რომ აკენკავს. რიგგარეშე არჩევნების დაანონსება პირდაპირ დესტაბილიზაციის დაანონსებაა პარლამენტის თავმჯდომარის მხრიდან"- აღნიშნა "ნიუპოსტთან" საუბრისას კაციტაძემ.