"სააკაშვილი ასეთი ტიპის ჩანაწერებს აკეთებდა ყველაზე, ვინც მიუღებელი იყო"- ბესელია

პოლიტიკა - 17:50, 15 Feb, 2016

2034

ეკა ბესელია მისი პირადი ცხოვრების ამსახველი მასალის გავრცელების მცდელობის ფაქტს გამოეხმაურა. ადამიანის უფლებათა დაცვის კომიტეტის თავმჯდომარის თქმით, ის ფაქტი, რომ სააკაშვილი ჩანაწერებს აკეთებდა ყველაზე, ვინც იყო აქტიური და მისთვის მიუღებელი საზოგადოებას პირველად არ ესმის.

„სააკაშვილი ასეთი ტიპის ჩანაწერებს აკეთებდა ყველაზე, ვინც იყო აქტიური და მისთვის მიუღებელი, მე მგონი პირველად არ გვესმის. 18 000-ზე მეტი ფაილია, რომელზეც ათასობით უკანონო ჩანაწერი არსებობს. დიდი ნაწილი, რაც დარჩენილი იყო, განადგურებულია, მაგრამ თავიდანვე გამოითქვა ვარაუდი, რომ ძალიან ბევრი მასალა ყოფილი თანამშრომლების მხრიდან გატანილია. შესაბამისად, ყველა ეს ქმედება არის დასჯადი.“- განაცხადა ეკა ბესელიამ.

შეგახსენებთ, მთავარმა პროკურატურამ ეკა ბესელიას პირადი ცხოვრების ამსახველი მასალის გავრცელების მცდელობის ფაქტზე გამოძიება დაიწყო. დეპუტატის პირადი ცხოვრების ამსახველი მასალის შემცველი მეხსიერების ბარათი „ქრონიკა+“-ის რედაქციაში გელა ღურწლაიამ მიიტანა. საქართველოს მთავარმა პროკურატურამ მოქალაქე გელა ღურწკაია დააკავა. წინასწარი ინფრომაციით ღურწკაიას ბრალი სისხლის სამართლის კოდექსის 19-ე და 157-ე მუხლებით წაუყენეს, რაც პირადი ან ოჯახური საიდუმლოს უკანონოდ გამოყენება-გავრცელებას გულისხმობს