,,პოლიტიკურ პარტიებს ვერ მოტეხავენ... იმდენი ტვინი ხომ უნდა გქონდეს, რომ ეს არ გამოგივა“

,,პოლიტიკურ პარტიებს ვერ მოტეხავენ... იმდენი ტვინი ხომ უნდა გქონდეს, რომ ეს არ გამოგივა“ - ბაჩუკი ქარდავა

პოლიტიკა - 15:54, 15 Feb, 2016

1374

არასაპარლამენტო ოპოზიცია ვენეციის კომისიასთან შეხვედრას ითხოვს. როგორც ეროვნულ-დემოკრატიული პარტიის თავმჯდომარემ აღნიშნა, ხელისუფლება ყველაფერს აკეთებს, რომ ინტერპარტიული ჯფუფი თბილისში ოფიციალური ვიზიტით მყოფ კომისიის წევრებს ვერ შეხვდნენ.

ბაჩუკი ქარდავა ამბობს, რომ ხელისუფლება საარჩევნო სისტემის უზურპაციას ცდილობს.

“რაც არ უნდა სცადოს დავით უსუფაშვილმა, რომ მის მიერ გაწეული ცვლილებები საარჩევნო კანონმდებლობაში, რომელიც ამ შემთხვევაში სჭირდება არა დემოკრატიას, არამედ თვითონ ,,ქართულ ოცნებას" წარმატებისთვის, წარმოაჩინოს როგორც რეფორმა, ეს ნამდვიალდ არ გამოვა.

მთელ პოლიტიკურ ჯგუფს, პოლიტიკურ პარტიებს ვერ მოტეხავ და ვერ დაფარავ ქვეყანაში იმას, რომ შენ არ აპირებ ქვეყანაში სამართლიანი არჩევნების ჩატარებას. ახლა ცდილობს ხელისუფლება, რომ სწრაფად ჩაატაროს შეხვედრები თბილისში, მერე გააქანოს ვენეციის კომისია ლოპოტოში და ამით დაამთვაროს, თითქოს და კრება დარჩა მხიარული ყველაფერი რიგზეა, არის პატარა ხარვეზები და ყევლაფერი გასწორდება. მაგრამ ეს ასე არ მოხდება. ყევლამ იცის, რომ ხელისუფლება არ ცვლის სისტემას იმიტომ, რომ მოახდინოს ხელისუფლების უზურპაცია“, - განაცახდა ბაჩუკი ქარდავამ.

ედპ-ს ლიდერის თქმით, ვენეციის კომისიასთან, სტრასბურგში ერთი შეხვედრა უკვე გაიმართა, ხოლო მომდევნო შეხვედრა, სავარაუდოდ, მიმდინარე კვირის ბოლოსთვის შედგება.

"როგორი კვანტის დადება არ მინახავს ქართული ხელისუფლებების მხრიდან, მაგრამ რაც პარლამენტის ხელმძღვანელობამ სცადა დღეს, ასეთი ჯერ არც გამიგია, უნიჭოც და უხეშიც სოციალური ქსელების, კომუნიკაციებში ბარიერების არ არსებობის ეპოქაში დამალო, რომ არსებობს პოლიტიკური ჯგუფები, ვინც მუდმივ პრესინგში გამყოფებს საარჩევნო მაქინაციების გამო, ჯერ არ მინახავს.

ჩამოვიდა საქართველოში ვენეციის კომისია საარჩევნო გარემოს პრობლემებზე სამუშაოდ და საქართველოს ხელისუფლებამ შეხვედრებიდან სცადა მოეტეხა მთელი პოლიტიკური სპექტრი. მაგარია არა? იმდენი ტვინი ხომ უნდა გქონდეს, რომ ეს არ გამოგივა. ჩვენთან შეხვედრა მაინც შედგება და გვერდს ვერ აუვლით სისტემაზე საუბარს ბატონო პარლამენტის თავმჯდომარევ და ეს ვენეციის კომისიის ცენტრალურმა ოფისმა გადაწყვიტა. სირცხვილი... სახემწიფო ვართ თუ დუქანი, უი არა დუქანი არა, თქვენ ბუტკა გიყვართ".