ვენეციის კომისიის და OSCE/ODIHR-ის ექსპერტები სხვალ საქართველოს პარლამენტში შეხვედრებს გამართავენ. პარლამენტის ინფორმაციით, დელეგაცია, საქართველოს საკანონმდებლო ორგანოს მიერ არის მოწვეული.

ვიზიტის მიზანია, საქართველოს საარჩევნო კანონმდებლობაში განხორციელებულ ცვლილებებზე საექსპერტო დასკვნის მომზადება. ვიზიტის ფარგლებში დელეგაციის წევრები პარლამენტის თავმჯდომარე დავით უსუფაშვილს შეხვდებიან.

პარლამენტში სტუმრობისას უცხოელი ექსპერტები საპარლამენტო უმრავლესობის და საპარლამენტო ოპოზიციის წარმომადგენლებსაც შეხვდებიან. ასევე დაგეგმილია შეხვედრები ცენტრალური საარჩევნო კომისიის წევრებთან, პრეზიდენტის ადმინისტრაციის და არასამთავრობო ორგანიზაციის წარმომადგენლებთან.