საქართველოს ბაზარზე ირანული გაზის შემოსვლის საკითხს საქართველოში ირანის ელჩის მოადგილე მოჰსენ კერბიაელი გამოეხმაურა. მისი თქმით ირანის ნავთობის სამინისტრომ უნდა მიიღოს გადაწყვეტილება, რომელი მარშრუტით მოხდება საქართველოსთვის ბუნებრივი აირის მიწოდება. კერბიაელი აცხადებს, მისთვის რუსეთიც და აზერბაიჯანიც კონკურენტი ქვეყანაა:

„საქართველოს სჭირდება დამატებითი ენერგეტიკული რესურსი და, ვინაიდან ირანიც, რუსეთიც და აზერბაიჯანიც არიან ექსპორტიორი ქვეყნები, მე მათ კონკურენტებად მოვიხსენიებ. რაც შეეხება ინფრასტრუქტურულ რესურს, რუსეთსა და სომხეთს შორის არსებული მილი, 2 მილიარდ კუბურ მეტრ ბუნებრივ აირს ატარებს, ირანსა და სომხეთს შორის არსებული კი 500 მილიონ კუბურ მეტრს და ეს არ არის საკმარისი, საჭიროა მისი კიდევ უფრო მეტად დატვირთვა. საბოლოოდ გადაწყვეტილება, თუ რომელ მარშუტს აირჩევს ირანული მხარე, ირანის ნავთობის სამინისტრომ უნდა მიიღოს,“ - განაცხადა მოჰსენ კერბიაელიმ.