არჩილ ხაბაძე: ხეები მოძრავი ნივთია და ის, როგორც მოძრავი ნივთი გაიყიდა

პოლიტიკა - 01:15, 13 Feb, 2016

4077

ციხისძირში მრავალწლოვანი ხეების ჭრის საკითხზე, აჭარის მთავრობის თავმჯდომარე “ნაციონალური მოძრაობის” წევრებს შეხვდა.

არჩილ ხაბაძის განცხადებით, „ერთიანი ნაციონალური მოძრაობის” წევრებმა ვერ წარმოადგინეს სამართლებრივი ხარვეზები, რის გამოც ამ პროცესების შეჩერება მოხდებოდა.

„დეპუტატების მოთხოვნა იყო, რომ მწარმოებლის შესახებ ნებართვა ყოფილიყო. შეხვედრას იურისტებიც ესწრებოდნენ და მათივე განმარტებით კანონში არ არის აღნიშნული, თუ როგორი ნებართვა უნდა იყოს დაწერილი. თავად ხელშეკრულება ითვალისწინებს, რომ ხეები მოძრავი ნივთია და ის, როგორც მოძრავი ნივთი გაიყიდა. ასევე კომპანიას, ხეების ამოღების და ადგილზე სამუშაოების ჩატარების უფლება აქვს. ამ ეტაპისთვის სამუშაოები გაგრძელდება,”- აცხადებს არჩილ ხაბაძე.

ციხისძირში მიმდინარე დაკავებებს ნაციონალური მოძრაობის წევრი პეტრე ზამბახიძე ბიძინა ივანიშვილის ძმას უკავშირებს

,,აჭარის მთვარობის თავმჯდომარე არის არჩილ ხაბაძე თუ ბიძინა ივანიშვილის ძმა ადიკო ივანიშვილი, რომელიც ხშირად მიდის იქ და მისი უშუალო მითითებებით ხდება ადამიანების დაკავება. ჩვენ გავაგრძელებთ პროცესებს, არანაირი სამუშაოს ნებართვა და პროცესი არა არსებობს. როგორც ჩანს არც ცოდნიათ, რომ ხის ირგვლივ ტერიტორიზე სამუშაოებს სჭირდება ნებართვა“ - აღნიშნა პეტრე ზამბახიძემ.