,,არ დამავიწყდება, მაღალი რანგის სამხედრო პირმა მითხრა თინა ხიდაშელზე, ამაზრზენ რამეს აკეთებსო..."

პოლიტიკა - 14:57, 12 Feb, 2016

6143

„სტრატეგიული კვლევის ცენტრის“ ხელმძღვანელი პეტრე მამრაძე გაზეთ „ალიასთან“ ინტერვიუში საგარეჯოში ჩატარებულ არჩევნებს იხსენებს და აცხადებს, რომ საგარეჯოში რეალურად ირმა ინაშვილმა მოიგო, გამარჯვება კი „ოცნების“ კანდიდატს იმიტომ დარჩა, რომ თინა ხიდაშელმა ამაში მთელია ადმინისტრაციული რესურსი ჩართო. მამრაძე ხიდაშელს აკრიტიკებს და აცხადებს, რომ თინა ხიდაშელი როგორც თავდაცვის მინისტრი კომიკური ფიგურაა:

„არ დამავიწყდება სამხედრო პირების ნათქვამი, რომელთაც ქუჩაში შევხვდი მაშინ, ერთ-ერთმა მათგანმა, მაღალი რანგის სამხედრო პირმა მითხრა - მინისტრი ხიდაშელი ამაზრზენ რამეს აკეთებს, საგარეჯოში უკვე გადაიყვანეს 500 კაცი მხოლოდ იმისთვის, რომ თავის კანდიდატს მხარი დაუჭირონ და ასეთი მიზნებისთვის ჯარის გამოყენება არ მორჩება? ეს ხომ სიბინძურეაო. მერე და მერე ეს ყველაფერი გამოქვეყნდა, დაიბეჭდა და ქალბატონმა თინამ მშვიდად თქვა, რომ კანონი ამ ყველაფერს არ კრძალავსო... ცუდია, თუ არ კრძალავს, მაგრამ ხომ არსებობს ეთიკა, ღირსება? რა ფასი აქვს იმ გამარჯვებას, როცა ყველამ იცის, რომ საგარეჯოს არჩევნები ირმა ინაშვილმა მოიგო, მან თავისით მიიღო ყველა ხმა და მისმა მოწინააღმდეგემ , ფაქტობრივად , მხოლოდ ადმინისტრაციული რესურსით მოიგო, რაც ამაზრზენია. საერთოდ ბერჯერ მითქვამს, რომ როგორც თავდაცვის მინისტრი თინა ხიდაშელი არის სრულიად კომიკური ფიგურა, უცხოელებისგან მომისმენია - ეს ადამიანი აშკარად არ შეესაბამენა დაკავებულ თანამდებობას“- აცხადებს პეტრე მამრაძე.