ბაია გადაბაძე ირაკლი რუხაძეს ხელისუფლების და პრემიერის რეპუტაციის შელახვასი ადანაშაულებს

პოლიტიკა - 17:40, 11 Feb, 2016

1043

ტელეკომპანია მაესტროს გენერალური დირექტორის ბაია გადაბაძის თქმით, ბოლო დროს განვითარებულმა მოვლენებმა აჩვენა რომ ირაკლი რუხაძეს პოლიტიკური ინტერესები გააჩნია და ხელისუფლების რეპუტაციის შელახვაში მაესტროს ფაქტორს იყენებს, ამაში კი ნებსით ან უნებლიედ ძმები გაჩეჩილაძეებიც არიან ჩართულნი:

„როდესაც ვამბობდი, რომ ირაკლი რუხაძეს აქვს პოლიტიკური ინტერესები მე მეგონა, რომ ის ქართული ოცნების სასარგებლოდ მოქმედებდა და ეხლა მე უკვე გამოვკვეთე ირაკლი რუხაძის პირადი პოლიტიკური ინტერესები. კითხვაზე რატომ დაიწყეს ეს ყველაფერი მე არასდროს არ მქონდა პასუხი და ეხლა ვხვდები, რომ შესაძლოა ირაკლი რუხაძეს თუ აქვს პოლიტიკაში მოსვლა განსაზღვრული, ამითი ხელისუფლებას არტყამს ირაკლი რუხაძე და ამაში ნებსით ან უნებლიედ არიან გაჩეჩილაძეები ჩართული. პრემიერმინისტრის რეპუტაცია ძალიან დიდი კითხვის ნიშნის ქვეშ დააყენა გიამ და ეხლა პრემიერი ცდილობს საკუთარი რეპუტაციის გადარჩენას და ეს მათ ჩაიგდეს თავი ამ მდგომარეობაში მე არ გამიკეთებია ეს“- განაცხადა ბაია გადაბაძემ.

შეგახსენებთ, მაესტროს ირგვლივ განვითარებულ მოვლენებს, ტელეკომპანიის მეწილე გია გაჩეჩილაძე დღეს სპეციალური განცხადებით გამოეხმაურა და საჯარო რეესტრის მიერ მიღებული გადაწყვეტილება, რომლის მიხედვითაც ლევან გაჩეჩილაძე მაესტროს გენერალური დირექტორი სასამართლო დავების დასრულებამდე ვერ გახდება, ბიზნესის და თავისუფალი მედიის წინააღმდეგ მიმართულ ნაბიჯად შეაფასა, მისი თქმით ეს გადაწყვეტილება არ იქნებოდა მიღებული ზემდგომი ორგანოების, იუსტიციის მინისტრის და მისი „მეგობრის“ - პრემიერ-მინისტრის ჩარევის გარეშე.