აშშ-ს დაზვერვის ანგარიში ერთგვარი გაფრთხილებაა

აშშ-ს დაზვერვის ანგარიში ერთგვარი გაფრთხილებაა - დავით ზალკალიანი

პოლიტიკა - 18:56, 10 Feb, 2016

1284

საქართველოს საგარეო საქმეთა სამინისტროში ამერიკის შეერთებული შტატების დაზვერვის დეპარტამენტის განცხადებას გამოეხმაურნენ.

საქართველოს საგარეო საქმეთა მინისტრის პირველმა მოადგილემ დავით ზალკალიანმა ბრიფინგზე აღნიშნა, რომ ჯეიმს კლეპერის განცხადება ერთგვარი გაფრხილებაა.

“ეს განცხადება უნდა იყოს აღქმული იმ კონტექსტში, რომ ეს არის ერთგვარი გაფრთხილება და ყურადღების მიქცევა ყველა იმ ინსტიტუტების მიმართ, როგორც ამერიკის შეერთებულ შტატებში, ისე პარტნიორ ქვეყნებში, რომ მოხდეს მინიმიზაცია და პრევენცია იმ საფრთხეებისა, რომელიც რუსეთის ფედერაციის მხრიდან მოდის" - აღნიშნა საგარეო საქმეთა მინისტრის მოადგილემ.

ბრიფინგს შეერთებული შტატების საელჩოს წარმომადგენლებიც ესწრებოდნენ.

საქართველოში ამერიკის შეერთებული შტატების საგანგებო და სრულუფლებიანი ელჩის მოადგილის ნიკოლას ბერლინერის თქმით, შეერთებული შტატების მნიშვნელოვან ინტერესს წარმოადგენს საქართველოს მომავალი.

“ შეერთებული შტატების მნიშვნელოვან ინტერესს წარმოადგენს საქართველოს მომავალი, რომ ის განვითარდეს როგორც თავისუფალი საზოგადოება, რაც ასევე ქართველი ხალხის სურვილია. ჩვენ რა თქმა უნდა გვინდა საკუთარი ინტერესები დავიცვათ და მნიშვნელოვანია ოფიციალურმა პირებმა იცოდნენ რა პოტენციური საფრთხე ემუქრება ჩვენს მიზნებს,“ - აღნიშნა ნიკოლას ბერლინერიმ.