საქართველოს ევროპული ორიენტაციიდან გადახვევასთან დაკავშირებით კითხვები არ არსებობს

საქართველოს ევროპული ორიენტაციიდან გადახვევასთან დაკავშირებით კითხვები არ არსებობს - ეკა ბესელია

პოლიტიკა - 18:43, 10 Feb, 2016

1455

ადამიანის უფლებათა დაცვის საპარლამენტო კომიტეტის თავმჯდომარე ეკა ბესელია აშშ-ის ერონული დაზვერვის სამსახურის ხელმძღვანელის, ჯეიმს კლაპერის მოსაზრებას გამოეხმაურა, რომლის მიხედვით, საქართველომ შესაძლოა სტრატეგიული დასავლური ორიენტაცია შეიცვალოს.

ეკა ბესელია აცხადებს, რომ საქართველოს ევროპული ორიენტაციიდან გადახვავასთან დაკავშირებით საერთაშორისო საზოგადოებას კითხვები არ აქვს
"არასოდეს, არც ერთ ევროპულ სტრუქტურას და ჩვენს არც ერთ ევროპელ მეგობარ, პარტნიორ ქვეყანას არ უთქვამს, რომ საქართველომ გადაუხვია გზას. საქართველოს ყველა ჩვენი ევროპელი თუ დასავლელი პარტნიორი, მათ შორის სახელმწიფო დეპარტამენტი და აშშ აძლევს ძალიან ღია და მკაფიო, მაღალ შეფასებას, რეფორმებს უჭერს მხრს და არავის ამ მხრივ კითხვები არ უჩნდება" - აღნიშნა ბესელიამ.

ამერიკის დაზვერვის სამსახურის ხელმძღვანელმა სენატში გამოსვლისას აღნიშნა, რომ საქართველოს დასავლური ორიენტაცია გარკვეული საფრთხეების ქვეშ დგას.
ყოველწლიურ ანგარიშში აღნიშნული, რომ 2016 წლის არჩევნების წინ დასავლური ინტეგრაციის ნელ ტემპს ემატება ეფექტური რუსული პროპაგანდა, რის გამოც თბილისმა შესაძლოა შეასუსტოს, ან შეაჩეროს ევროატლანტიკური ინტეგრაციის მიმართულებით ძალისხმევა. ამასთანავე საუბარია იმაზე, რომ 2016 წლის არჩევნების წინ, მთავრობისთვის მთავარი პოლიტიკური სისუსტე სავარაუდოდ ეკონომიკური ცვლილებები გახდება.