"აშშ-ის დაზვერვის პოზიცია მნიშვნელოვანი და დროულია

"აშშ-ის დაზვერვის პოზიცია მნიშვნელოვანი და დროულია - ივლიანე ხაინდრავა

პოლიტიკა - 17:56, 10 Feb, 2016

1485

საქართველოს ეროვნული უშიშროების საბჭოს მდივნის მოადგილე, ივლიანე ხაინდრავა აშშ-ის ეროვნული დაზვერვის სამსახურის ხელმძღვანელის, ჯეიმს კლაპერის ყოველწლიურ ანგარიშში საქართველოს შესახებ დაფიქსირებულ შეფასებას გამოეხმაურა.
ხაინდრავას განცხადებით, "აშშ-ის დაზვერვის უფროსის პოზიცია მნიშვნელოვანი და დროულია".
"აშშ-ის დაზვერვის უფროსი მოუწოდებს დასავლეთის ლიდერებს გაზარდონ ევროატლანტიკურ სტრუქტურებში საქართველოს ინტეგრაციის ტემპი, რათა საფუძველი გამოაცალონ რუსეთის მიზანმიმართულ მცდელობებს შეაფერხოს ნატოსა და ევროკავშირთან საქართველოს დაახლოების პროცესი" - აცხადებს ივლიანე ხაინდრავა.

მისი თქმით, ყოველწლიურ ანგარიშში საუბარია იმაზე თუ რა საფრთხე შეიძლება დაემუქროს საქართველოს პროდასავლურ ელიტებს, იმ შემთხვევაში თუ რუსეთიდან მიმდინარე საფრთხეები არ განეიტრალდება.
"ვფიქრობ აქცენტები სრულიად სამართლიანად და სწორად არის დასმული" - საქართველოს ეროვნული უშიშროების საბჭოს მდივნის მოადგილე.
მისი თქმით, საქართველოს ხელისუფლების მთავარი გამოწვევა რუსეთის ე.წ "რბილი ძალაა".
"ეს არის რუსული პროპაგანდა, იმ აგენტების გავლენის გამოყენება, რომელიც რუსეთს საქართველოში ჰყავს. ამის შეჩერების ყველაზე ეფექტური მექანიზმი საქართველოს ევროატლანტიკურ სტრუქტურებში გაწევრიანება იქნება"- აღნიშნა ხაინდავამ.
რაც შეეხება 2016 წლის არჩევნების წინ, მთავრობისთვის მთავარი პოლიტიკური სისუსტეზე გაკეთებულ აქცენტს, ხაინდრავა ამ საკითხზე ამბობს, რომ "პრობლემები ობიექტურად არსებობს".