რუსული პროპაგანდა ხელისუფლების მხარდაჭერით - შარაშენიძე აშშ-ს დაზვერვის ინფორმაციააზე

პოლიტიკა - 15:10, 10 Feb, 2016

1831

ჯიპა-ს პროფესორი და ექსპერტი თორნიკე შარაშენიძე ამერიკის დაზვერვის სამსახურის ხელმძღვანელის ჯეიმს კლეპერის იმ განცხადება აფასებს, რომლის მიხედვითაც საქართველოს დასავლური ორიენტაცია გარკვეული საფრთხეების ქვეშ დგას.

"როგორც ჩანს ამერიკის შეერთებულ შტატებში ხედავენ, ძალიან ცუდ დინამიკას, აშშ-ს დაზვერვის ხელმძღვანელს ალბათ ჩვენზე მეტი ინფორმაცია აქვს. ფაქტია, რომ წინასაარჩევნოდ ქვეყანაში გაჩნდა პრორუსული ორგანიზაციები, ამაში კი დამნაშავე რათქმაუნდა ხელისუფლებაა. სახელმწიფო მმართველობა აშკარად შესუსტებულია. არ ხდება ერთამანეთთან კორდინაცია, თუნდაც "გაზპრომის" დაუსრულებელი საგა ავიღოთ, დარწმნებული ვარ რომ ეს თემა მავნებლური კუთხით არ წამოწეულა, მაგრამ ფაქტია, რომ ხელისუფლებაში დიდი ქაოსია, ეს არის ერთ-ერთი მიზეზი, რომ საქართველოში მტრის პროპაგანდამ ფეხი მარტივად მოიკიდოს"- განუცხადა "ნიუპოსტს" თორნიკე შარაშენიძემ.

მისი თქმით, საქართველოს სივრცეში რუსული პროპაგანდა აქტიურად შემოიჭრა.

"უამრავ ქართული ვებ-გვერდია, რომლის უკანააც, როგორც ამბობენ დგანან სახელმწიფო უწყებები და ისინი მუშაობენ რუსული ტექნოლოგიებით. ორი ვარიანტია - ან მუშაობენ რუსეთზე ან მართავენ ადამიანები, რომლებმაც რუსული ენის მეტი არაფერი არ იციან. ანუ, რაღაცნაირად, მაინც რუსეთის გავლენის აგენტები არიან, ფაქტია. ვინც ამას თავს მოუყრის და გაანალიზებს, დაინახავს ძალიან ცუდ ტენდენციას - ყველაფერი მიდის უკან-უკან. ერთადერთი, რამაც შეიძლება გააჩეროს რუსული გავლენის ზრდა, არის ახალი თაობა, რომელმაც რუსული საერთოდ არ იცი, რომელსაც წვდომა აქვს ინტერნეტში ინფორმაციასთან და რომლის გამოყენებაც რთულია"- აღნიშნა ექსპერტმა.
კითხვაზე შეუშლის თუ არა რუსული გავლენის გაზრდა საქართველოს ევროპულ მომავალს ხელს და შეაფერხებს თუ არა ეს ვიზალიბერალიზაციის პროცესს, შარაშენიძემ აღნიშნა, რომ სწორედ ამ საფრთხის გათვალისწინებით უნდა დაჩაქროს ევროკავშირმა საქართველოსთან მეტად დაახლოების პროცესი.
"3-4 წელიწადში ახალი თაობა კიდევ უფრო მომძლავრდება, დემოკრატიული ინსტიტუტები კიდევ უფრო გაძლიერდება, გაძლიერდება სამოქალაქო საზოგადოება და ამ სიტუაციაში რუსეთს კიდევ უფრო ნაკლები შანსები ექნება. ამიტომ ეს წელი არის ძალიან მნიშვნელოვანი, ჩვენ ამ წელს გვინდა დახმარება, რადგან საარჩევნო წელი არის გარდამტეხი. რუსერთი არჩევნების წინ კიდევ უფრო გაძლიაერდება და თუ ევროპამ უვიზო მიმოსვლაზე უარი გვითხრა, ძალიან მძიმე ვითარების წინაშე დავდგებით"- განაცხადა "ნიუპოსტთან" საუბრისას ექსპერტმა.