"საქართველომ ევროატლანტიკური ინტეგრაცია შესაძლოა შეაჩეროს"- აშშ-ს დაზვერვის ხელმძღვანელი

პოლიტიკა - 12:03, 10 Feb, 2016

3473

ამერიკის დაზვერვის სამსახურის ხელმძღვანელმა სენატში გამოსვლისას საქართველოს შესახებ ისაუბრა. ჯეიმს კლეპერის თქმით საქართველოს დასავლური ორიენტაცია გარკვეული საფრთხეების ქვეშ დგას.

დოკუმენტში აღნიშნულია, რომ 2016 წლის არჩევნების წინ დასავლური ინტეგრაციის ნელ ტემპს ემატება ეფექტური რუსული პროპაგანდა, რის გამოც თბილისმა შესაძლოა შეასუსტოს, ან შეაჩეროს ევროატლანტიკური ინტეგრაციის მიმართულებით ძალისხმევა. ამასთანავე საუბარია იმაზე, რომ 2016 წლის არჩევნების წინ, მთავრობისთვის მთავარი პოლიტიკური სისუსტე სავარაუდოდ ეკონომიკური ცვლილებები გახდება.

„დასავლური ინტეგრაციის ნელი ტემპის გამო ქართულ ელიტასა და საზოგადოებას შორის მზარდი იმედგაცრუება, და სულ უფრო მეტი ეფექტური რუსული პროპაგანდა, ქმნის იმის პერსპექტივას, რომ თბილისმა უფრო მასშტაბური ევროატლანტიკური ინტეგრაციის მიმართულებით ძალისხმევა შესაძლოა შეასუსტოს, ან შეაჩეროს. რუსეთთან დაძაბულობა კვლავ მაღალ დონეზე დარჩება და ჩვენი შეფასებით, მოსკოვი ზეწოლას გაზრდის თბილისზე, რომ ევროკავშირსა და ნატოსთან ახლო ურთიერთობებზე უარი თქვას“, - აღნიშნულია დოკუმენტში.