2016 წლის არჩევნების სანდოობა კითხვის ნიშნის ქვეშ დგება

პოლიტიკა - 16:30, 09 Feb, 2016

1554

საქართველოს საარჩევნო ადმინისტარციის პროფესიული კავშირის თავმჯდომარე ნინო დათუაშვილი ცენტრალური საარჩევნო კომისიას ოლქის წევრებად საარჩევნო სუბიექტების წარმომადგენლებისა და ხელისუფლებასთან აფელირებული პირების დანიშვნაში ადანაშაულებს.

მისი თქმით, თანამდებობაზე დანიშნული 100 კადრიდან 74-ს ნამუშევარი პარტიული ნიშნით აქვს.
"ეს პროცესი ზაფხულში დაიწყო და დღემდე გრძელდება, ცესკომ არაკვალიფიციური კადრები მიიყვანა იმ ადამიანების ნაცვლად, რომლებსაც ხელშეკრულება არ გაუგრძელდა. იმის თქმა, რომ აქ ხელისუფლების კვალია ცალსახად არ შემიძლია, თუმცა ცესკოს მოქმედებები ბევრ კითხვის ნიშანს აჩენს"- - აცხადებს დათუაშვილი.
მისი თქმით, მომავალი არჩევნების ბედი ეჭვ ქვეშ არის.

"კითხვის ნიშნის ქვეშ დგება 2016 წლის არჩევნების სანდოობა. იმიტომ რომ დაირღვა საუბნო საარჩევნო კომისიის დაკომპლექტების პრინციპ. მთავარი პრინციპია ნეიტრალურობა, სადამიანები ნეიტრალური ნიშნით უნდა შეერჩიათ. ჩვენმა პროფკავშირმა წერილობით აცნობა ცესკოს, რომ კანდიდატებს შორის საარჩევნო სუბიექტების წარმომადგენლები იყვნენ, თუმცა ეს რეკომენდაცია მათ არ გაითვალისწინეს"- აღნიშნა "ნიუპოსტთან" საარჩევნო ადმინისტარციის პროფესიული კავშირის თავმჯდომარემ.

შეგახსენებთ, რომ ცენტრალური საარჩევნო კომისიის ადმინისტრაციის შენობასთან სხვადასხვა საოლქო კომისიის უკვე ყოფილმა თანამშრომლებმა საპროტესტო აქცია გამართეს.

ისინი მოითხოვდნენ, რომ ცესკომ ახალი თანამშრომლების არჩევის პროცესი შეაჩეროს და გადახედოს გადაწყვეტილებას, რომლის მიხედვითაც 100-ზე მეტ თანამშომელს უფლებამოსილება აღარ გაუგრძელდა.

„ჩვენს ნაცვლად „აირჩიეს“ ის ადამიანები, რომლებიც არიან მათი პარტაქტივი, ვინც არ არის პარტაქტივი არის ახლობელი, ნათესავი ან ჯგუფელი. ქალბატონი თამარ ჟვანია თავისი მოსვლის დღიდან, თავის მოადგილე გიორგი შარაბიძესთან ერთად ასამარებს საარჩევნო სისტემას საქართველოში. რეგიონებიდან ბევრი ვერ ჩამოვიდა, ზოგი უამინდობის, უფრო მეტი კი იმის გამო, რომ ზოგს რაღაცას პირდებიან და ზოგს აშინებენ“- განაცხადა დიდუბის საოლქო საარჩევნო კომისიის ყოფილმა თანამშრომელმა ნესტან დალაქიშვილმა.