„ ვისაც პრეზიდენტ სააკაშვილის აზრი არ მოსწონდა“ - ჭიაბერაშვილი პრემიერის განცხადებას ეხმაურება

პოლიტიკა - 12:42, 09 Feb, 2016

1809

ერთიანი ნაციონალური მოძრაობის წევრი, ზურაბ ჭიაბერაშვილი საქართველის პრემიერ მინისტრის გიორგი კვირიკაშვილის მიერ ლაზიკას პორტის მშენებლობაზე გაკეთებულ განცხადებას ეხმაურება.

ენმ-ს წევრი ამბობს, რომ შედეგებს უბრალო კოპირება ვერ მოიტანს.

,, ვისაც ლაზიკა/ანაკლია მხოლოდ მაღალი წყალწყვის გემების პორტად მოსწონს, იმას ჯერ კიდევ სათანადოდ არ ესმის პრეზიდენტ სააკაშვილის მიერ წამოწყებული ამ უდიდესი პროექტის მნიშვნელობა. ქოცები თავს აკანტურებენ: ჩვენ პორტის იდეის მომხრე ყოველთვის ვიყავით, ქალაქის აშენება იყო სისულელეო.

მთავარი არ ესმით: რუსეთთან ერთად, საქართველოს სტრატეგიული გამოწვევა ურბანიზაციის დაბალი დონეა.

შესაბამისად, პორტი საშუალებაა, რა თქმა უნდა, ჩვენი სატრანსპორტო-ლოჯისტიკური პოტენციალის გაზრდის, მაგრამ იმავდროულად და ძირითადად (!) ურბანული და სოფლის მოსახლეობის შეფარდების შეცვლის. ურბანიზაციის ამ დონით საქართველო ვერ განვითარდება. ამ გამოწვევაზე პასუხი იყო ლაზიკაც, ქუთაისისთვის საპარლამენტო დედაქალაქის მინიჭებაც, ბათუმის ტურისტულ მექად ქცევაც და სიღნაღის რეაბილიტაციაც. შედეგებს იდეების უბრალო კოპირება ვერ მოიტანს. მათი აზრი უნდა გესმოდეთ! “- ამბობს ჭიაბერაშვილი.