,,ევროპასა და ამერიკაში მეხსიერებას არ უჩივიან“ - შარაშენიძე ხიდაშელს მაპ-სთან დაკავშირებულ განცხადებებს ახსენებს

სოც.მედია - 11:24, 09 Feb, 2016

1637

,,მეხსიერება ჯერ ყველას არ დაგვიკარგავს“ - ექსპერტი თორენიკე შერაშენიძე თავდაცვის მინისტრს მის ნატო-ს წევრობასთან დაკავშირებით მის მიერ გაკეთებულ განცხადებებს ახსენებს.

,,საოცრება ისაა, რომ მინისტრად დანიშვნისთანავე ქ-ნმა თინამ ნატოს გენმდივანს ლამის ულტიმატუმის ფორმით მოსთხოვა მაპი. ახლა კი გამალებული გვიმტკიცებს, მაპს კი არა წევრობას ვითხოვო.

ძალიან კარგია თუკი ქ-ნი მინისტრი რეალობაში გაერკვა და ფირფიტა გადააბრუნა. როგორც იტყვიან სჯობს გვიან ვიდრე არასოდესო. მაგრამ ისე ნუ იქცევა თითქოს მაპი არასოდეს მოუთხოვია. მეხსიერება ჯერ ყველას არ დაგვიკარგავს.

ჰო, ისე ინფორმაციისათვის: ჯერჯერობით მაპი მაინც წევრობისათვის აუცილებელ ეტაპად რჩება. ეს ისევ გერმანიის დაჟინებით. ჰოდა, მთავრობის წევრებო მიმართეთ თქვენი ენერგიის ნაწილი მაინც გერმანიაზე, შეეშვით ამ ნატოს გენმდივანს (და მითუმეტეს აპატურაის) - ეგ უბრალოდ ნატოს წევრი სახელმწიფოების პოზიციას ახმოვანებს.

და კიდევ, ევროპა და ამერიკა ქართული შიდა პოლიტიკა ნუ გგონიათ. მანდ არც თქვენი მუქარის ეშინია არავის და არც მეხსიერებას უჩივიან.

წარმატებას გისურვებთ“ - წერს შარაშენიძე ფეისბუქის გევრდზე.

თავდაცვის მინისტრის განცხადებით საქართველოს მიზანი ნატოს წევრობაა და არა MAP -ის მიღება. აღნიშნული განცხადება თინათინ ხიდაშელმა "მოამბის" ეთერში ჩრდილოატლანტიკური ალიანსის სპეციალური წარმომადგენელის ჯეიმს აპატურაის განცხადების კომენტირებისას გააკეთა , რომლის თქმითაც ალიანსის წევრებს შორის საქართველოს მაპ-ის საკითხზე თანხმობა ჯერ არ არის.