"მავნებელი ჟვანია"- ცესკოდან გათავისუფლებულმა თანამშრომლებმა საპროტესტო აქცია გამართეს

პოლიტიკა - 16:16, 08 Feb, 2016

2352

ცენტრალური საარჩევნო კომისიის ადმინისტრაციის შენობასთან სხვადასხვა საოლქო კომისიის უკვე ყოფილმა თანამშრომლებმა საპროტესტო აქცია გამართეს. ისინი თანამდებობიდან ცოტა ხნის წინ უფლებამოსილების ვადის ამოწურვის მოტივით გაათავისუფლეს. ისინი მოითხოვდნენ, რომ ცესკომ ახალი თანამშრომლების არჩევის პროცესი შეაჩეროს და გადახედოს გადაწყვეტილებას, რომლის მიხედვითაც 100-ზე მეტ თანამშომელს უფლებამოსილება აღარ გაუგრძელდა. მათი განცხადებით კომისიამ ოლქის წევრებად საარჩევნო სუბიექტების წარმომადგენლები და ხელისუფლებასთან აფელირებული პირები აირჩია. არჩეული პირებიდან 74-ს ნამუშევარი პარტიული ნიშნით აქვს. ისინი ძირითადად კოალიცია „ქართულ ოცნებასთან“ დაახლოებული პირები არიან.

„ჩვენს ნაცვლად „აირჩიეს“ ის ადამიანები, რომლებიც არიან მათი პარტაქტივი, ვინც არ არის პარტაქტივი არის ახლობელი,, ნათესავი ან ჯგუფელი. ქალბატონი თამარ ჟვანია თავისი მოსვლის დღიდან, თავის მოადგილე გიორგი შარაბიძესთან ერთად ასამარებს საარჩევნო სისტემას საქართველოში. რეგიონებიდან ბევრი ვერ ჩამოვიდა ზოგი უამინდობის, უფრო მეტი კი იმის გამო, რომ ზოგს რაღაცას პირდებიან და ზოგს აშინებენ“- განაცხადა დიდუბის საოლქო სააეჩევნო კომისიის ყოფილმა თანამშრომელმა ნესტან დალაქიშვილმა „კურიერთან“ საუბარში.