"მე მგონია, რომ ეს საკითხი არის ამოწურული"- პრემიერი "გაზპრომზე"

პოლიტიკა - 13:44, 08 Feb, 2016

1152

საქართველოს პრემიერ-მინისტრის განცხადებით გაზპრომთან გამართული დიალოგი წმინდა ტექნიკური ხასიათის პრობლემების აღმოფხვრას ემსახურებოდა და სტრატეგიულ მოლაპარაკებებზე საუბარი არ არის. როგორც გიორგი კვირიკაშვილმა აღნიშნა საქართველოს აზერბაიჯანთან მნიშვნელოვანი ურთიერთობები აქვს და ამ ურთიერთობას არაფერი ემუქრება. აღნიშნული განცხადება კვირიკაშვილმა არასამთავრობოების მოთხოვნის საპასუხოდ გააკეთა, პლატფორმა "დაიცავი თავისუფლების" წევრები კვირიკაშვილისგან გაზპრომის საკითხთან დაკავშირებით შეხვედრას ითხოვდნენ

„მე ვხვდები ძალიან ბევრ არასამთავრობო სექტორის წარმომადგენელს და მაქვს განრიგი გარკვეული. გაზპრომის თემას თუ ეხება, არ მაქვს არანაირი საფუძველი იმისა, რომ ეს თემა კიდევ ამ ფორმატში განვიხილო. მე მგონია, რომ ეს საკითხი არის ამოწურული, იმიტომ, რომ არანაირ სტრატეგიულ მოლაპარაკებებზე საუბარი არ არის. იყო საუბარი წმინდა ტექნიკური ხასიათის პრობლემების აღმოფხვრაზე და მე მგონია, რომ სრულიად უსაფუძვლო არის ამასთან დაკავშირებით პოლიტიკური სპეკულაციების გაგრძელება. ჩვენს გვაქვს სტრატეგიული ურთიერთობები აზერბაიჯანთან, მათ შორის კომპანია სოკართან გვაქვს ძალიან მნიშვნელოვანი ურთიერთობები და არაფერი ამ სტრატეგიულ ურთიერთობებს არ ემუქრება. მე კიდევ ერთხელ ვაცხადებ ამის შესახებ."- განაცხადა გიორგი კვირიკაშვილმა.