არავისთან არაფერი დასამალი არ მაქვს - კვირიკაშვილი "უცნობთან" შეხვედრაზე

პოლიტიკა - 12:05, 08 Feb, 2016

1492

პრემიერ-მინისტრი გიორგი კვირიკაშვილი "მაესტროში" შექმნილი სიტუაციას კიდევ ერთხელ გამოეხმაურა. კვორიკაშვილმა კანცელარიასთან შეკრებილ ჟურნალისებს განუცხადა, რომ "უცნობთან" შეხვედრის დროს მაესტროს საკითხის შესახებ არ იცოდა, თორემ "სპეკულაციების თავიდან ასაცილებლად" შესაძლოა აღნიშნული შეხვედრისგან თავის შეეკავებინა.".
"საერთოდ არ ვიცოდი, ეს სიტუაცია თუ ხდებოდა "მაესტროში", რომ მცოდნოდა, ალბათ, ცოტა სხვანაირად მოვიქცეოდი და შეიძლებოდა თავი შემეკავებინა შეხვედრისგან, ამხელა სპეკულაციები და მითქმა-მოთქმა რომ არ გამომეწვია. ამაზე მეტი სიმართლე რა გითხრათ, არ ვიცი", - განუცხადა კვირიკაშვილმა ჟურნალისტებს"- აღნიშნა პრემიერმა.
მისი თქმით, ტყუილს ვერ იტანს, შეხვედრა კი არასამუშაო დროს გაიმართა.
"არავისთან არაფერი დასამალი არ მაქვს. საერთოდ არ მახასიათებს ტყუილი, მაქვს ტყუილის აუტანლობა. 23:00 საათზე შევხვდი გაჩეჩილაძეს. ამ სპეკულაციებზე აღარ შემიძლია უკვე პასუხების გაცემა. 23:00 საათი სამუშაო დრო, მე მგონი, არ არის და მქონდა საუბარი გიორგი გაჩეჩილაძის ერთ-ერთი მეგობრის თაობაზე, რომელსაც წინა ხელისუფლების პერიოდში რაღაც პრობლემები ჰქონდა. ეს იყო და ეს. პრინციპულად არ შევხვდი მეორე მხარეს, იმიტომ რომ ამ შემთხვევაში ჩაითვლებოდა, რომ მე კონფლიქტის ერთ-ერთ მხარეს შევხვდი"- თქვა პრემიერმა.