ბიანკას მეგობარი საეჭვო დეტალებზე საუბრობს - მკვლელობა თუ უბედური შემთხვევა?!

პოლიტიკა - 12:43, 05 Feb, 2016

10031

22 წლის ტრანსგენდერi ქალის ბიანკა შიგუროვას მეგობარი, ასევე ტრანსგენდერი - მარია კასენკო მეგობრის გარდაცვალების შესახებ სკანდალურ ინფორმაციას ავრცელებს.

როგორც "ნიუპოსტს" ამ უკანასკნელმა განუცხადა, არ სჯერა ვერსიის, რომლის მიხედვითაც ბიანკა გაზის გაჟონვის შედეგა გაიგუდა.

- გამოძიება სრულფასოვნად და რაც მთავარია მიუკერძოებლად უნდა ჩატარდეს. ვემიჯნები იმ ფაქტს, რომ გაზმა გაჟონა და გაიგუდა. ბიანკა იტალიურ ეზოში, ძალიან პატარა ოთახში ცხოვრობდა. გაზს რომ გაეჟონა, 4 დღის განმავლობაში გარშემო ყველაფერი აფეთქდებოდა.

- თვითმკვლელობაა თუ მკვლელობა?

- ბიანკა ძაკლიან ძლიერი ადამიანი იყო, ის თავს არ მოიკლავდა.

- თქვენს მეგობარს მტრები ჰყავდა, ვინმე ხომ არ ემუქრებოდა?

- იმას ვერ გეტყვით, რომ ბიანკას მტერი არ ჰყავდა, იმასაც ვერ ვიტყვი ვინ მტრობდა მას. ფაქტია მისი ბევრს შურდა.

- ბოლოს როდის გქონდათ ბიანკა შიგუროვასთან კონტაქტი?

- მასთან ბოლო მიმოწერა 27 იანვარს მქონდა, როდესაც ურეკში იმყოფებოდა და დამიკავშირდა, თბილისში ბრუნდებოდა.

ბიანკა შიგუროვა გარდაცვლილი ნაქირავებ ბინაში იპოვეს. მეზობლების ინფორმაციით, ის სავარაუდოდ, 3-4 დღის წინ დაიღუპა. თუმცა, მისი ცხედარი გუშინ ნახეს.

გარდაცვლილი ბინის მეპატრონემ იპოვა. მეპატრონე აცხადებს, რომ ბიანკა მაშინ მოიკითხა, როცა ელექტროენერგიის დავალიანების გადახდის დრო მოვიდა.

წინასწარი ინფორმაციით, ბიანკა გაზის გაჟონვის შედეგად დაიღუპა. 22 წლის ტრანსგენდერი ქალი ბიანკა შიგუროვა ლანჩხუთში დაიბადა. გარდაცვლილ შიგუროვას ცხედარს ორმეთში დაახლოებით 3 საათისთვის გადაასვენებენ.

გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.