"მათ ტემპერატურის აწევა უნდათ"- პრეზიდენტის კომენტარი გოგი თოფაძის განცხადებაზე

პოლიტიკა - 22:26, 04 Feb, 2016

2089

პრეზიდენტ გიორგი მარგველაშვილის თქმით მის წინააღმდეგ კამპანია მიმდინარეობს , თითქოს მას სძულს საკუთარი სამშობლო. პრეზიდენტი ამ კამპანიას გარკვეულწილად საარჩევნო წელს უკავშირებს, მისი თქმით პოლიტიკოსები ამ გზით ტემპერატურის აწევას ცდილობენ:

"კამპანია, რომელიც გუშინ დაიწყო სახელწოდებით - "საქართველოს პრეზიდენტს სძულს თავისი სამშობლო." ეს ხომ არ არის პირველი კამპანია, ჩვენ ეს ადრეც გვესმოდა. მე გამოვაცხადე 2015 წელი ქალთა წლად და დაიწყო კამპანია, რომ საქართველოს პრეზიდენტს უნდა, რომ ქალები ციხეში იჯდნენ. როდესაც მე ვსაუბრობდი სახვადასხვა საკითხებზე დაიწყო კამპანია, რომ საქართველოს პრეზიდენტს ფუფუნება უყვარს. მე მახსოვს კამპანია, რომ საქართველოს პრეზიდენტი შეკრულია ნაციონალურ მოძრაობასთან. მე მიჭირს ამ კამპანიების ტალღების კომენტირება, ან მათი მიზეზის განსაზღვრა, არც ვუღრმავდები ამ საკითხებს. საწუხაროა ის, რომ ეს პოლიტიკის ნაწილი არ არის. ეს პიარის ნაწილია, რომელიც პოლიტიკას არ უკავშირდება. გუშინ პარლამენტში გამოსვლისას ალბათ საკრიტიკებელი იყო ჩემი წინადადებები, მაგრამ რეალურად ხომ კრიტიკა არ ისმოდა. მე პარლამენტარების მოსაზრებებს ყურადღებით ვუსმენ ხოლმე. ეს არის მოსაზრებები საქართველოს პოლიტიკური სპექტრის. ჩემი საპარლამენტო გამოსვლის ადრესატი იყვნენ პოლიტიკოსებიც, მაგრამ მნიიშვნელოვანწილად საქართველოს მოსახლეობა. საკითხები, რომლებიც განვიხილე აწუხებს საქართველოს მოქალაქეებს. ჩემი აზრით, შევეხე ყველაზე რთულ საკითხებს. შესაბამისად, მე მესმის, რომ არსებობს გარკვეული კრიტიკა. ვფიქრობ, ეს არის კრიტიკა პოლიტიკოსების, რადგანაც მათ ტემპერატურის აწევა უნდათ. დღეს ხომ ფაქტობრივად, ყველა ის დეპუტატი, რომელთანაც მე ვსაუბრობდი იმ დარბაზში, არიან არჩევნების რეჟიმში. ესეც, ალბათ, გარკვეულ გავლენას ახდენს პრობლემების აღქმაზე. შთაბეჭდილება დამრჩა, რომ ბევრმა პოლიტიკოსმა გაიგო ჩემი გზავნილი",-აღნიშნა მარგველაშვილმა.