"პოლიტიკაში პარტნიორებად ისეთ ხალხს ვირჩევ, როგორსაც ბიზნესში. მე არ ვარ ოლიგარქი"- ჩერნოვეცკი

პოლიტიკა - 20:51, 04 Feb, 2016

1433

ლეონიდ ჩერნოვეცკიმ არ გამორიცხა, რომ მან კენჭი ქობულეთის მაჟორიტარად იყაროს. როგორც ლეონიდ ჩერნოვეცკიმ ინგა გრიგოლიასთან ინტერვიუში განაცხადა ის ქობულეთის სიტუაციას კარგად იცნობს და ქობულეთელებიც მის მიმართ დადებითად არიან განწყობილნი. პარტია „ბედნიერი საქართველოს“ ლიდერმა არ დააკონკრეტა თუ ვისთან შეიძლება ქონდეს პოლიტიკური კავშირი და განაცხადა, რომ ის პოლიტიკურ , ისევე როგორც ბიზნეს პარტნიორებს დიდი სიფრთხილით არჩევს:

„მხოლოდ ერთხელ შევხვდი მურმან დუმბაძეს, მან ჩემზე კარგი შთაბეჭდილება მოახდინა, მესაუბრა აჭარის პრობლემებზე, მეტი ფაქტიურად არავის შევხვედრივარ. მე ჯერ სიფრთხილით ვეკიდები ნებისმიერ კავშირებს. ამის გამოცდილება მაქვს და იმიტომ. ბევრი წელია პოლიტიკაში ვარ , განხიბვლა დამემართა იმ გუნდის მიმართ, ვისთან ერთადაც კიევის მერად მივედი. პოლიტიკაში პარტნიორებად ისეთ ხალხს ვირჩევ როგორსაც ბიზნესში“- განაცხადა ჩერნოვეცკიმ.

ჩერნოვეცკიმ მისთვის ოლიგარქის წოდების გამო ინგა გრიგოლიას ტონი დაუწუნა და აღნიშნა, რომ ის არაა ოლიგარქი, რადგან ხელისუფლებასთან ერთად ბიზნესი არასოდეს უკეთევბია:

"მე არ ვარ ოლიგარქი, ოლიგარქი არის ადამიანი რომელიც ხელისუფლებასთან ერთად მუშაობს და სხვადასხვა ტენდერებს იგებს. მე ვიცხოვრე უკრაინაში ისე, რომ არ მიმუშავია ხელისუფლებასთან ტენდერების მოსაგებად. ასე რომ ოლიგარქის დაძახება თქვენი მხრიდან არაა ლამაზი და სწორი. თქვენ შეგიძლიათ დამიძახოთ მდიდარი ადამიანი, მაგრამ არა ოლიგარქი."- აღნიშნა ჩერნოვეცკიმ.