საქართველოს ტრანსპორტისა და გზების ასოციაციის ტავჯდომარე დავით მესხიშვილი სოციალურ ქსელში, უმრავლესობის წევრ გოგი თოფაძის პარლამენტის სხდომაზე გუშინდელ არაკორექტულ გამოსვლას ეხმაურება, სადაც თოფაძემ დაუნის სინდრომი სალანძღავ სიტყვად გამოიყენა.

„კომუნისტების დროს შეზღუდული შესაძლებლობების მქონე პირის ნაცვლად გამოიყენებოდა სიტყვა ინვალიდი. ამას თავისებურად ხსნიდნენ კომუნისტები, იმ დროს, თურმე საბჭოთა კავშირში საერთოდ არ არსებობდნენ შეზღუდული შესაძლებლობების ადამიანები და ამას კომუნისტები გულმოდგინედ მალავდნენ. ბოლოს კი, საერთოდ სტატუსი შემოიღეს ინვალიდი (ანუ უვარგისი). სიმართლე გითხრათ არც შეზღუდული შესაძლებლობის მქონე პირის სტატუსი არ მომწონს, როგორც სახელწოდება, ვინაიდან ბევრი მინახავს ამ სტატუსის მატარებელი და გაცილებით ქმედითუნარიანი და დიდი შესაძლებლობის მქონეც ვიდრე თითოეული ჩვენთაგანი.
ბატონი გოგი, როგორც ტიპიური კომუნისტი ისე უდგება ამ საკითხს, მისთვის უცხოა ყოველგვარი ადამიანური, სითბო, თანაგრძნობა, გვერდით დგომა. ის უბრალოდ გადმონაშთია იმ მახინჯი კომუნისტური სისტემის, რომლებიც ადამიანებს ინვალიდებს ანუ უვარგისებს უწოდებდნენ. ბატონი გოგის "ტეხნალოგიებით" (როგორც მას უყვარს თქმა) კი, ჩვენ ყველანი უვარგისები, გნებავთ არავარგისიანები ვართ. ჩემი აზრით კი, თქვენ ბატონო გოგი, უბრალოდ უვარგისი და უსინდისო "ტეხნალოგი" ხართ. ფულზე დახარბებული და გაუმაძღარი. თქვენ დამოუკიდებელი საქართველოს ისტორიაში შეხვალთ როგორც სამარცხვინო პიროვნება“- წერს დავით მესხიშვილი ფეისბუკის საკუთარ გვერდზე.