"თავისუფალი დემოკრატები" ე.წ. კრიზისების მართვის საბჭოს უშიშროების საბჭოს დაქვემდებარებაში გადასვლის ინიციატივით გამოდიან. აღნიშნული ინიციატივა პარტიის ერთ-ერთმა ლიდერმა ვიქტორ დოლიძემ გააჟღერა. მისი თქმით აღნიშნულ ინიციატივასთან დაკავშირებით დადებითი რეკომენდაციები აქვთ მიღებული ევროპელი პარტნიორების მხრიდანაც

"გამოვდივართ ინიციატივით. ბოლო ორი წლის განმავლობაში ვაკვირდებით, თუ როგორ მუშაობს ეროვნული უშიშროების საბჭო. ის რა თქმა უნდა უნდა იყოს პრეზიდენტის დაქვემდებარების ქვეშ, ვინაიდან ის ჩვენი ქვეყნის მთავარსარდალია, შეიქმნა ახალი პარალელური სტრუქტირა ე.წ. კრიზისების მართვის საბჭო. ჩვენ ვფიქრობთ, რომ კრიზისების მართვის საბჭო უნდა იყოს ეროვნული უშიშროების საბჭოს შემადგენელი ნაწილი. ამ აზრზე ვართ არა მხოლოდ ჩვენ – ამ საკითხზე მიღებული გვაქვს არაერთი რეკომენდაცია, როგორც ფორმალურ, ისე არაფორმალურ დონეზე, არაერთი რჩევა გვაქვს მიღებული ჩვენი ევროპელი პარტნიორებისგან. თანხმობის შემთხვევაში, "თავისუფალი დემოკრატები" მზად ვართ, ვიმუშაოთ და ამ საქმეში ჩვენი საქმიანი წვლილი შევიტანოთ. უშიშროების საბჭო უნდა იყოს უფრო ეფექტური, მობილური და იმ საფრთხეებზე მეტი რეაგირება უნდა გააკეთოს, რომელიც ქვეყნის წინაშე არსებობს.“- განაცხადა ვიქტორ დოლიძემ.