მარგველაშვილის გამოსვლას სიცხადე აკლდა

მარგველაშვილის გამოსვლას სიცხადე აკლდა - სერგო რატიანი

პოლიტიკა - 16:22, 03 Feb, 2016

785

„ნაციონალურ მოძრაობაში“ მიიჩნევენ, რომ პრეზიდენტი სიტყვით გამოსვლისას იმ მწვავე საკითხებს არ შეხებია, რომელიც საზოგადოებას აწუხებს.

როგორც „ნიუპოსტს“ სერგო რატიანმა უთხრა, გიორგი მარგველაშვილი ზედაპირული იყო, გამოსვლას კი სიცხადე აკლდა.

„ეკონომიკის მიმართულებით საუბრისას მან თქვა, რომ არ არის საგარეო ფაქტორები ისე, როგორც ამას აფასებს უმრავლესობა, მაგრამ არაფერი არ თქვა იმ მნიშნელოვან პრობლემაზე, რაც შექმნა საქართველოს მთავრობამ. ვინ არის ამ იბედურებაში, ქვეყნის გაღარიბებაში დამნაშავე. მარგველაშვილმა არაფორმალური მმართველობის შესახებ ერთი სიტყვაც არ თქვა. „გაზპრომის“ საკითხზეც ზოგადი განცხადება გაკეთდა და არაფერი თქვა მთავრობის შესაძლო ინტერესებზე. მედიის თავისუფლებაზე სუაბრისას არ უხსენებია „რუსთავი 2“ რომელსაც ხელისუფლება ებრძვის“- აღნიშნა სერგო რატიანმა.

მისი თქმით, პრეზიდენტს ქვეყანაში არსებული პოლიტიკური პატიმრების შესახებ არ უსაუბრია, როცა ამაზე ღიად საუბრობენ ევროპარლამენტარები.

"გვყავს პოლიტიკური პატიმრები. პრეზიდენტის გამოსვლა ძალიან ბევრი მიმართულებით უნდა ყოფილიყო გაცილებით ცხადი და უნდა შეხებოდა იმ მწვავე საკითხებს, რაც დღეს აწუხებს საზოგადოებას“, -განაცხადა სერგო რატიანმა.