"სადღეგრძელო- რომ ყველაფერი კარგად უნდა იყოს"- აპც "გირჩი" პრეზიდენტის გამოსვლას აფასებს

პოლიტიკა - 16:14, 03 Feb, 2016

1280

ახალი პოლიტიკური ცენტრის „გირჩის“ ერთერთი ლიდერის პავლე კუბლაშვილის თქმით პრეზიდენტს პრობლემებზე ზოგადი წარმოდგენა აქვს, ამიტომ მისი მოხსენება იმის მიუხედავად რომ ყველაფერზე ისაუბრა, დასამახსოვრებელი არ იყო. „გირჩის“ წევრის თქმით პრეზიდენტს კონკრეტული ხედვები უნდა წარმოედგინა.

„ზოგად შეფასებას გავაკეთებ, სამწუხაროდ პრეზიდენტმა ისაუბრა ყველაფერზე, მაგრამ რეალურად დასამახსოვრებელი არაფერი არ იყო. ეს არის ძალიან ცუდი მოცემულობა, მიმაჩნია, რომ ისეთ საკითხებზე , როგორიც არის თუნდაც გაზპრომი, რაღაც ახალი უნდა ყოფილიყო. ამ საკითხე რომ გამჭვირვალობა უნდა იყოს ამაზე პრეზიდენტის პოზიცია უკვე მოგვისმენია. პრეზიდენტის მოხსენებაში დარწმუნებული ვარ ვერცერთი მოქალაქე თავისთავს ვერ იპოვნიდა. გვინდოდა მოსმენა იმ ხედვების რაც პრეზიდენტს აქვს შექმნილ სიტუაციასთან დაკავშირებით მაგალითად ეკონომიკაში და არა ზოგადი სადღეგრძელო იმასთან დაკავშირებით , რომ ყველაფერი კარგად უნდა იყოს და თურმე კარგი არის ის რაც შემოგვთავაზა მთავრობამ ბოლო 4 წინადადებით . ჩვენი მხრიდან ერთი ნაბიჯი გადავდგით და მივეცით საშუალება პრეზიდენტს თავისი შეცდომა ეღიარებინა. მას რომ დაეწყო მოხსენება იმის თქმით, რომ არასწორი იყო როდესაც მთავრობამ მინისტრი მარგველაშვილის მონაწილეობით მიიღო გადაწყვეტილება გადასახადების არდაწევის . მაგრამ პრეზიდენტს აქვს ძალიან ზოგადი წარმოდგენები პრობლემებზე.“- განაცხადა კუბლაშვილმა.