ჩვენ 25 წლის წინ მოვიპოვეთ დამოუკიდებლობა, თავისუფლებისთვის ბრძოლა ისევ გრძელდება- პრეზიდენტი

პოლიტიკა - 14:29, 03 Feb, 2016

883

საქართველოს პრეზიდენტი პარლამენტს ყოველწლიური მოხსენებით მიმართავს. გიორგი მარგველაშვილმა საკანონმდებლო ორგანოს წინაშე გამოსვლისას საქარტველოს თავისუფლების მნნიშვნელობაზე ისაუბრა. სახელმწიფოს მეთაურის თქმით ქვეყანამ დამოუკიდებლობა 25 წლის წინ მოიპოვა, თავისუფლებისთვის ბრძოლა კი ისევ გრძელდება:

„წელს ჩვენ აღვნიშნავთ ჩვენი ახალი დამოუკიდებლობის 25 წლისთავს. 25 წლის წინ ჩვენ აღვასრულეთ ჩვენი წინა თაობების სანუკვარი ოცნება და საქართველო გახდა დამოუკიდებელი. მაგრამ გზა დამოუკიდებლობიდან თავისუფლებისკენ ჯერ კიდევ გასავლელია. დამოუკიდებლობა რაღაცისგან, ვიღაცისგან დამოუკიდებლობას ნიშნავს. თავისუფლება არის უფრო მეტი, ეს ნიშნავს არა ვიღაცისგან თავის დახსნას, არამედ საკუთარი უნიკალური შენი გზის გავლას. ჩვენ მოვიპოვეთ დამოუკიდებლობა თავისუფლებისთვის ბრძოლა ისევ გრძელდება, ჩვენ უნდა შევქმნათ სახელმწიფო, რომელიც არა მარტო პოლიტიკურად დამოუკიდებელია, არამედ პოლიტიკურად თავისუფალიც, ეს არის სახელმწიფო სადაც გარანტირებულია თითოეული მოქალაქის პოლიტიკური და სოციალური უფლებები. ეს არის ერთობა სადაც ბატონობენ კანონები და არა ინდივიდები. თავიუფალი საქართველო არის ერთადერთი საქართველო რომელიც შეძლებს გაერთიანდეს არა მარტო ტერიტორიულად არამედ შინაარსობრივადაც, ქვეყანა სადაც ერთმანეთს ხვდება წარსული და მომავალი.“- განაცხადა გიორგი მარგველაშვილმა.