პრეზიდენტი პარლამენტშია- მოხსენებას საქართველოს მთავრობაც ესწრება

პოლიტიკა - 14:11, 03 Feb, 2016

1022

საქართველო პრეზიდენტი უკვე პარლამენტშია. გიორგი მარგველაშვილი პარლამენტის წინაშე ყოველწლიური მოხსენებით უკვე მესამედ წარსდგება.

წინა წლებისგან განსხვავებით საკანონმდებლო ორგანოში იმყოფებიან მინისტრთა კაბინეტის წევრები და პრემიერმინისტრი. პრემიერის დღევანდელ სიტყვით გამოსვლას ვერ ესწრება ვიცე პრემიერი დიმიტრი ქუმსიშვილი და კულტურის მინისტრი მიხეილ გიორგაძე.

ვროატლანტიკურ სტრუქტურებში ინტეგრაციის საკითხებში სახელმწიფო მინისტრი დავით ბაქრაძის თქმით ეს არის დღე, როდესაც სახელმწიფო ინსტიტუციური, საკონსტიტუციო გაძლიერების გზაზე კიდევ ერთ ნაბიჯს დგამს .

ჯანდაცვის მინისტრის განცხადებით წინა წლებში პრეზიდენტის მოხსენებაზე არდასწრების მიზეი პიროვნული დამოკიდებულება არ ყოფილა:

"პიროვნულ დამოკიდებულებებს მნიშვნელობა არ ქონდა. როგორც ჩანს, შარშან იყო სხვა გარემოებები და ფაქტორები, წელს კი სხვა," - აღნიშნა დავით სერგეენკომ.

რეგიონული განვითარებისა და ინფრასტრუქტურის მინისტრის ნოდარ ჯავახიშვილის თქმით, როდესაც არც შეკითხვის დასმის უფლებაა და არც დებატები დიდი მნიშვნელობა არ აქვს მოხსენებას საიდან მოისმენს:

"ვიღაც თვლის, რომ საჭიროა დაესწროს და მიიღოს გარკვეული ინფორმაცია, ვიღაცა თვლის, რომ შესაძლებელია ეს ტელევიზორითაც გააკეთოს. როდესაც არც შეკითხვის დასმის უფლებაა და არც დებატები, ალბათ არ აქვს მნიშვნელობა საიდან უყურებს," - განაცხადა ნოდარ ჯავახიშვილმა.