თბილისის მერიას, ევროპულ ქართულ საზოგადოება EUGS-სა და წარმატებულ ქალთა საერთაშორისო კლუბ ISWC-ს შორის ურთიერთთანამშრომლობის მემორანდუმი გაფორმდა.

მემორანდუმს ხელი, ერთის მხრივ, თბილისის მერმა დავით ნარმანიამ, ხოლო, მეორეს მხრივ, ევრპული საერთაშორისო ორგანიზაციის პრეზიდენტმა ანა რეხვიაშილმა მოაწერეს.

მემორანდუმის თანახმად, მხარეები შეთანხმდნენ, რომ ხელს შეუწყობენ ერთმანეთის რეპუტაციის და ავტორიტეტის გაძლიერებას, როგორც ქვეყნის შიგნით, ისე საერთაშორისო ასპარეზზე.

ამასთან, ხელმომწერმა მხარეებმა გამოხატეს სურვილი ერთობლივად ითანამშრომლონ ევროკავშირის ქვეყნებთან, ინსტიტუტებთან, საინვესტიციო სტრუქტურებთან, საერთაშორისო ორგანიზაციებთან, ურთიერთობების გაღრმავების, კომუნიკაციის გაძლიერების და ორმხრივ და მრავალმხრივ თანამშრომლობასთან დაკავშირებული ღონისძიებების ორგანიზებაში.

მასთან, მხარეები ურთიერთშეთანხმების საფუძველზე მოამზადებენ წინადადებებს, ინიციატივებსა და პროექტებს ქალაქ თბილისის პოპულარიზაციისთვის საერთაშორისო ასპარეზზე.

რამდენიმე დღეში მხარეების პირველი სამუშაო შეხვედრა გაიმართება