სოციალური ქსელის აქტიურ მომხმარებელთა რიცხვს მიეკუთვნება დავით დეფი, რომელიც ხშირად აქვეყნებს სხვადასხვა შინაარსის პოსტებს. მაგალითად, ამჯერად ის საკუთარ სურვილებზე ალაპარაკდა. ის წერს, რომ ყოველთვის სურდა, თბილისში, ინდუისტური და ბუდისტური ტაძრებიც ყოფილიყო, თუმცა ეს სურდა არა როგორც რელიგიურ პიროვნებას, არამედ როგორც მოქალაქეს.

„თბილისში ბევრი ტაძარია. სინაგოგა. მეჩეთი. კათოლიკური ტაძარი. მართლმადიდებლური ტაძარი. სომხური. რუსული. არის ბაპტისტების, ევანგელისტების, იეღოვას მოწმეების, ორმოცდაათიანელების თუ ლუთერანების ტაძარი ან სამლოცველო სახლები. შემორჩენილია ნანგრევი ზოროასტიზმული ნაგებობიდანაც. ეს ყველაფერი ძალიან მაგარია, მაგრამ მე ყოველთვის მინდოდა, თბილისში, ინდუისტური და ბუდისტური ტაძრებიც ყოფილიყო. მინდოდა არა როგორც რელიგიურ პიროვნებას. ეს კავშირში არაა ჩემს ნდომასთან. მინდოდა, როგორც მოქალაქეს. გლობალური სამყაროს მოქალაქეს. ძალიან მომწონს ინდუისტური ტაძარი მთელი თავისი ფერადოვნებითა და ზღაპრულობით. ასევე ძალიან მომწონს ბუდისტური უთვალავსანთლიანი უსასრულო სიმშვიდეც. დახატავდა თბილისს ინდუისტური ტაძარი და ვაიშნავები ქუჩებში, მრიდანგებით აცეკვებული, ამღერებული გამჭვირვალება. თბილისს კაცობრიობის სპირიტუალურ ადგილად აქცევდა და უშველებელ ტურისტულ სივრცედ. ბედნიერება მართლაც დახატავდა თბილისს. ეჰ.

დ ♔ სიახLOVE“- წერს დავით დეფი სოციალურ ქსელში.