"ივანიშვილმა გვიშვილა თუ შეგვპირდა, რომ ყველაფერს ის გააკეთებდა ჩვენს მაგივრად?"- უსუფაშვილი

პოლიტიკა - 15:01, 01 Feb, 2016

1239

პარლამენტის თავმჯდომარემ დღეს გამართულ პრესკონფერენციაზე ქართული ოცნებისა და ბიძინა ივანიშვილის მიერ გაცემულ დაპირებებზე ისაუბრა. უსუფაშვილის თქმით საჭიროა დაკვირვებით იქნეს განხილული რა დაპირება გასცა მართველმა გუნდმა და რა შეასრულა. როგორც უსუფაშვილმა განაცხადა ბიძინა ივანიშვილმა თავის მოსვლასთან და წასვლასთან დაკავშირებით გაცემული დაპირებები შეასრულა და მას არ გაუცია დაპირება, რომ ყველას მაგივრად ყველაფერს ის გააკეთებდა:

„უნდა გავაკეთოთ ძალიან მარტივი რამ ავიღოთ ფურცელი გავუსვათ ხაზი და ჩამოვწეროთ რას დავპირდით ხალხს, რას დაპირდა ბიძინა ივანიშვილი , რასაც ივანიშვილი დაპირდა შესაძლოა 100% შესრულდა, რას დაპირდა „ქართული ოცნება“, მეორე მხარეს ჩამოვწეროთ შევასრულეთ თუ ვერ შევასრულეთ. უნდა აგიხსნათ, რომ რა შევასრულეთ, თუ ვერ ხედავთ დაგანახოთ, თუ არ იცი აგიხსნა. დაგვპირდი და დაგპირდა, ბიძინა ივანიშვილმა გვიშვილა თუ შეგვპირდა, რომ ყველაფერს ის გააკეთებდა ჩვენს მაგივრად? ჩვენ ყველა ერთად ვემსახურებით ქვეყანას და საჯარო სამსახურში ვართ, აი აქ ვინ რას დავაკელით ხელი, ან მეტი შეიძლებოდა, ეს უნდა გაიზომოს. მეორე ფურცელიც უნდა ვნახოთ სხვების, ვინ რას დაპირდა და რა გააკეთა. ან დღეს რას გვპირდება და რა გზებით და საშუალებებით აპირებს იმავე თემის უკეთ გაკეთებას“- განაცხადა უსუფაშვილმა.