"მოქალაქის ხმა"- თბილისი ეკოლოგიური კატასტროფის წინაშე.

პოლიტიკა - 14:43, 01 Feb, 2016

667

"თავისუფალი დემოკრატები" პროექტ „მოქალაქის ხმას“ ფარგლებში მოსახლეობას აქტიურად ხვდებიან.
როგორც "ნიუპოსტს" პარტიიდან აცნობეს, პროექტის მეორე ფაზის ფარგლებში "თავისუფალი დემოკრატები" წარმოადგენენ იმ პრობლემების მოგვარების გზეებს, რომელიც მოქალაქეებთან შეხვედრის დროს იქნა იდენტიფიცირებული.

"თბილისი ეკოლოგიური კატასტროფის წინაშეა! ეკოლოგიური მდგომარეობა უდიდეს ზეგავლენას ახდენს ჩვენი და ჩვენი შვილების ჯანმრთელობაზე! ქალაქის გენერალური გეგმის ბოლო მონაცემების თანახმად, ერთ სულ მოსახლეზე გამწვანებული ადგილი 5 კვადრატულ მეტრს შეადგენს, რაც მნიშვნელოვნად ჩამორჩება არსებული კანონმდებლობით გათვალისწინებულ ნორმას (11მ2). და ასევე განვითარებულ ქვენებში არსებულ სტანდარტებს 30-50 მ2. ეკოლოგიურ კატასტროფამდე მივყავართ ქალაქის მწვანე ზონებში უკონტროლო მშენებლობებს და მრავალსართულიანი შენობების ჩადგმას ქალაქის მდინარეეების ხეობების გასწვრივ და ქალაქის გარშემო მდებარე მთების ზედა ნაწილებში.
სასწრაფოდ გასახორციელებელია მწვავე საკანონმდებლო ცვლილებები, საჭიროა დაცული და გამწვანებული ტერიტორიების, ღია საზოგადოებრივი სივრცეების განვითარება და არსებული რეკრეაციული და მწვანე ზონების გაფართოება.
ასევე გადასაჭრელია მყარი ნარჩენების - ე.წ საყოფაცხოვრებო ნაგვის უდიდესი პრობლემა. რომელიც აწუხებს თბილისელებს და საქართველოს სხვა დიდი ქალაქების მცხოვრებლებს.
ამ პრობლემების გადასაჭრელად ჩვენ „თავისუფალი დემოკრატები“ საზოგადოებას ვთავაზობთ:
• შეიქმნას თბილისის რეკრეაციული ზონების შესახებ კანონი
• აიკრძალოს მწვანე ნარგავებით დაფარული ტერიტორიების პრივატიზება!!!
• კანონმდებლობის დონეზე გამკაცრდეს თბილისის ტერიტორიაზე წარმოებული სამშენებლო პროექტების ეკოლოგიური ექსპერტიზა
• მოხდეს დიდი ლილოს ნაგავსაყრელის კონსერვაცია
• დაინერგოს ნაგვის გადამუშავების უახლესი ტექნოლოგიები, რაც ითვალისწინებს ნაგვის გადამამუშავებელი ქარხნის მშენებლობას.
• გამკაცრდს კონტროლი ქალაქის დაბინძურების კუთხით. გაუმჯობესდეს მომსახურების სერვისი, განსაკუტრებით თბილისის და სხვა ქალაქების პრობლემურ ზონებში (ბაზრები, ბაზრობები, მეტროსადგურებისა და სპორტული ობიექტების მიმდებარე ტერიტორიები)"- ნათქვამია განცხადებაში.