"ვისაც შია შეარგოს!"- სენდვიჩებით სავსე ყუთი პეკინზე

სოც.მედია - 18:43, 30 Jan, 2016

15530

დღეს პეკინის ქუჩაზე გამვლელები უჩვეულო სანახაობის მომსწრენი გახდნენ. ქუჩაში სენდვიჩებით სავსე ყუთი იდგა, რომელსაც სინტერესო წარწერა ჰქონდა "ვისაც შია შეარგოს! ვინც შეძლოს დადოს და გამჩენმა დალოცოს!". როგორც ფეისბუკზე გაირკვა აღნიშნული საქველმოქმედო აქციის ავტორი დავით გაჩეჩილაძეა, ის მსგავსი აქციის გაგრძელებას და "მადლიანი მაგიდების" დადგმას სხვა უბნებშიც აპირებს. იმისთვის რომ საქართველოში შიმშილით არასოდეს აღარავინ აღარ მოკვდეს დავითი მხარდაჭერას სხვა მოქალაქეებისგანაც ითხოვს:

"აქცია მადლი ქენი...
დღეს წარმატებით დასრულდა ადამიანები მოკრძალებითა და მადლიერებით იქცეოდნენ, ზოგიერთმა ორი ცალი მორიდებით ითხოვა, ზოგმა კი 10 უკითხავად აიღო, მაგრამ ღმერთმა ყველას შეარგოს.
მთავრია რომ დღეს რამოდენიმე ათეული ადამიანი დაპურდა, რამაც მოგვცა რწმენა რომ საჭირო საქმეს ვაკეთებთ და გვინდა ყოველდღიური სახე მივცეთ აქციას და თბილისის რამოდენიმე უბანში დავდგათ "მადლიანი მაგიდები".
სადაც თითოეული ჩვენგანი, პროდუქტებსა და საკვებს დავტოვებთ და მადლს წავიღებთ იმით რომ,
- კიდევ ერთი მშიერი დაპურდება.
ხვალიდან დაგვჭირდება მაგიდები და მეტი რესურსები რომ სტაბილური სახე მივცეთ ამ ქველმოქმედებას.
მინდა რომ საქართველოში შიმშილით არასოდეს აღარავინ აღარ მოკვდეს.

ყველას დიდი მადლობა ვინც გაიზიარა და მოიწონა ჩვენი პოსტები. განსაკუთრებით კი ქართველ ემიგრანტებს და მათ ვინც ფინანსური მონაწილეობის სურვილი გამოთქვა.
გაცნობებთ ჩვენს ანგარიშს
GE80BG0000000289417300

ჩარიცხვა ასევე შესაძლებელია საქართველოს ბანკის ექსპრესს გადახდის აპარატებიდანაც. პირადი ნომრის 01010003393 მითითებით.
სამყაროში არაფერი არ იკარგება. როგორც იტყვიან მადლი ქენი, გაიარე წინ დაგხვდება ..."- წერს დავით გაჩეჩილაძე ფეისბუკზე.