საქართველოს პრეზიდენტის მოწვევით პრეზიდენტის ადმინისტრაციაში ეროვნული უშიშროების საბჭოს სხდომა გაიმართა.

სხდომის დღის წესრიგით გათვალისწინებული იყო ორი საკითხის განხილვა: მზადება NATO - ს ვარშავის სამიტისთვის და თავდაცვის მინისტრის მოხსენება საქართველოს შეირაღებული ძალების ქვედანაყოფების საერთაშორისო მისიებში მონაწილეობასთან დაკავშირებით.

საქართველოს პრეზიდენტის განცხადებით, უშიშროების საბჭომ საქართველოს ნატოსთან დაახლოების პროცესი განიხილა.

„ამ პროცესში მნიშვნელოვანია, რომ მოხდეს კოორდინაცია და ერთიანი პოზიციის ჩამოყალიბება. მიმაჩნია, რომ უშიშროების საბჭოს დღევანდელ სხდომაზე ჩვენ ნათლად განვსაზღვრეთ შემდგომი ნაბიჯები და კოორდინაციის პროცესი“, - განაცხადა საქართველოს პრეზიდენტმა.

ეროვნული უშიშროების საბჭოს მდივნის ირინა იმერლიშვილის განცხადებით, დღევანდელ შეხვედრაზე მოისმინეს თავდაცვის მინისტრის მიერ მიწოდებული ინფორმაცია საქართველოსსაერთაშორისო მისიებში მონაწილეობასთან დაკავშირებით.

სხდომას ესწრებოდნენ საქართველოს პრეზიდენტი გიორგი მარგველაშვილი, საქართველოს ეროვნული უშიშროების საბჭოს მდივანი ირინე იმერლიშვილი, საქართველოს პარლამენტისთავმჯდომარე დავით უსუფაშვილი, საქართველოს პრემიერ-მინისტრი გიორგი კვირიკაშვილი, საქართველოს პარლამენტის უშიშროებისა და თავდაცვის კომიტეტის თავმჯდომარე ირაკლისესიაშვილი, თავდაცვის მინისტრი თინათინ ხიდაშელი, საგარეო საქმეთა მინისტრი მიხეილ ჯანელიძე, შინაგან საქმეთა მინისტრი გიორგი მღებრიშვილი, გენერალური შტაბის უფროსი, გენერალ-მაიორი ვახტანგ კაპანაძე, სახელმწიფო უსაფრთხოების სამსახურის უფროსი ვახტანგ გომელაური.