ნიკა გვარამიამ პრემიერ-მინისტრთან რუსთავი 2-ის საქმეზე ისაუბრა - ,,მან თქვა, რომ მზად არის მოისმინოს ჩვენი წინადადებები“

პოლიტიკა - 23:22, 28 Jan, 2016

2493

საერთაშორისო სავაჭრო პალატის მე-11 საკონსულტაციო საბჭოს შეხვედრას ესწრებოდა საქართველოს პრემიერ-მინისტრი. დახურულ რეჟიმში საუბარი შეეხო ქვეყანაში არსებულ ბიზნეს გარემოს, საგადასახადო რეგორმასა და კერძო სექტორთან მთავრობის დამოკიდებულებას.

შეხვედრას ესწრებოდა რუსთავი 2-ის გენერალური დირექტორი, რომელიც საკონსულტაციო საბჭოს წევრია. მსჯელობა შეხვედრაზე რუსთავი 2-ის გარშემო განვითარებულ მოვლენებსაც შეეხო. გიორგი კვირიკაშვილმა აღნიშნა, რომ მან მოისმინა ყველა პრობლემა და კონრეტულ პრობლემას დავალებების სახით და დიალოგის რეჟიმში მიხედავს. ,,ყველა ასეთი საკითხი ჩვენ ჩავინიშენთ და მივხედავთ“ - აღნიშნა პრემიერმა.

"მან თქვა, რომ ეხლა უკვე შეიძლება დაუბრუნდეს ნორმალურ ვითარებას რუსთავი 2-ის საქმე. ჩვენი შეკითხვა იყო-აბა მანამდე რა ვითარება იყო?-ანუ ეს არის აღიარება ერთისმხრივ, არ უარუყვია მას, მან თქვა, რომ რადგან ეს მედიაა და გამოხატვის თავისუფლება თავის შინაარსით არის პოლიტიკური, საქმეც იყო პოლიტიკური. ჩვენ დავსვით ასევე შეკითხვა სარეკლამო ბაზარზე. სწორედ მისი ეკონომიკის მინისტრობის დროს იქნა ეს ძალიან ცუდი ჩვენი ბიზნესისთვის უმძიმესი გადაწყვეტილება მიღებული. მან თქვა, რომ მზად არის მოისმინოს ჩვენი წინადადებები,"-განაცხადა ნიკა გვარამიამ.