კოჟორიძე პროკურატურის წარმომადგენლებს და სახალხო დამცველს შეხვდა

პოლიტიკა - 19:26, 28 Jan, 2016

954

პრეზიდენტის მრჩეველი კახა კოჟორიძე საქართველოს პრეზიდენტის ადმინისტრაციაში პროკურატურის წარმომადგენლებს და სახალხო დამცველს შეხვდა.

შეხვედრის თემა სისტემურ ძალადობრივ დანაშაულთან დაკავშირებული საგამოძიებო პროცესის მიმდინარეობა იყო. პრეზიდენტის მრჩეველი კახა კოჟორიძე შეხვედრას ნაყოფიერად აფასებს დააცხადებს, რომ იგი საინტერესოდ წარიმართა:

,,შეხვედრისას მთავარი საკითხი იყო თუ რამდენად სრულყოფილად მიმდინარეობს გამოძიება სისტემურ ძალადობრივ დანაშაულთან დაკავშირებით. მინდა აღვნიშნო, რომ ამ კითხვაზე პასუხიმოითხოვს პროკურატურაში არსებული ინფორმაციის კომპლექსურ დამუშავებას. რაც, მიმაჩნია, რომ აუცილებლად გასაკეთებელია, რათა საზოგადოებას უფრო ნათელი წარმოდგენა შეექმნას - გაეცათუ არა სახელმწიფოს მხრიდან შესაბამისი მასშტაბის პასუხი. გარდა ამისა, მიმაჩნია, რომ საქმეთა მოცულობიდან გამომდინარე აუცილებელია, გაიზარდოს იმ დეპარტამენტის ფინანსური დასაკადრო რესურსი, რომელიც აღნიშნულ სააქმეებზე მუშაობს“, - განაცხადა კახა კოჟორიძემ.

როგორც პროკურატურის წარმომადგენლები აცხადებენ, პრეზიდენტის ადმინისტრაციას მიაწოდეს ამომწურავი ინფორმაცია უკვე გამოძიებულ აღნიშნული ტიპის საქმეებთან დაკავშირებით, რომლებზედაც გამოტანილია გამამტყუნებელი განაჩენები.

შეხვედრისას მხარეებმა მომავალი თანამშრომლობის გაგრძელების სურვილი გამოთქვეს.

შეხვედრა მას შემდეგ დაიგეგმა, რაც საქართველოს პრეზიდენტის მრჩეველმა კახა კოჟორიძემ სისტემურ ძალადობრივ დანაშაულთან დაკავშირებით მის მიერ მოთხოვნილ ინფორმაციაზესაქართველოს პროკურატურისგან საჯარო პასუხები მიიღო.