გახდება თუ არა კვირიკაშვილი ,,ოცნებისთვის“ პოლიტიკური ტონის მიმცემი

გახდება თუ არა კვირიკაშვილი ,,ოცნებისთვის“ პოლიტიკური ტონის მიმცემი - გია ხუხაშვილი

პოლიტიკა - 18:34, 28 Jan, 2016

1650

ექსპერტი გია ხუხაშვილი აცხადებს, რომ საქართველოს ახალ პრემიერ-მინისტრს საზოგადოების პროფესიული ნაწილის კონსოლიდაციის რესურსი აქვს.

„ნიუპოსტთან“ საუბრისას ექსპერტმა აღნიშნა, რომ კვირიკაშვილი მისი წინამორბედისგან განსხვავებით სახელმწიფოს მეთაურთან ხიდებს არ წვავს.

„კვირიკაშვილს შეუძლია შექმნას მიზიდულობის ცენტრი, ის პოზიტიურად განსხვავდება იმ პოლიტიკური ელიტისგან, რომლებიც დაკავებულები არიან ხიდების დაწვით და ოპონენტების შეურაცხყოფით არიან დაკავებულები. იგივეს აკეთებდა კვირიკაშვილის წინამორბედი, კვირიკაშვილი კი მომგებიანად განსხვავდება ღარიბაშვილისგან, ამიტომ, იმ ადამიანებში რომლებმაც უნდა გადაიბარონ საქართველოს მომავალი პრემიერი სიმპატიას იწვევს“- აღნიშნა გია ხუხაშვილმა.

ექსპერტს ახალი პრემიერის ურთიერთობის ფორმები მოსწონს.

„კვირიკაშვილის ტონი, მისი დამოკიდებულება ძალიან სიმპატიურად გამოიყურება. მაგრამ ერთია გარეგნული მხარე, მეორეა - პოლიტიკური სახე. იქნება თუ არა კვირიკაშვილი ტონის მიმცემი პოლიტიკური ცხოვრებისთვის, ამას დრო და მისი გადაწყვეტილებები გვიჩვენებს“- თქვა ექსპერტმა „ნიუპოსტთან“ საუბრისას.