"ელისაშვილი მზად არის ითანამშრომლოს ჩვენთან" - ანასტასია ზაუტაშვილის ადვოკატი

პოლიტიკა - 16:52, 28 Jan, 2016

1512

ე.წ. კოკაინის საქმეზე მსჯავრდებული ანასტასია ზაუტაშვილის თქმით, შეწყალების კომისიის ყოფილი თავმჯდომარე ალეკო ელისაშვილი მათთან სათანამშრომლოდ მზად არის.

„ნიუპოსტთან“ ადვოკატმა ელისაშვილისა და ზაუტაშვილის შეხვედრის შესახებ ისაუბრა.

მისი თქმით, შეხვედრაზე საუბარი მხოლოდ საქმის დეტალებს შეეხებოდა.

„ადვოკატის დახმარება რომ გვჭირდება ამ საქმეში, ამას ჩვენ ვადასტურებთ, მაგრამ მე ვრჩები კვლავ ზაუტაშვილის ინტერესების დამცველად. გაჟღერდა ინფორმაცია, რომ თითქოს მე ვიყავი პოლიტიკურად ანგაჟირებული და ვითომ ამის გამო მე საქმეს ვშორდებოდი, ეს სისულელეა. პირიქით, ელისაშვილი მზად არის თვითონაც ითანამშრომლოს ჩვენთან, მისი ნდობით აღჭურვილი ადვოკატიც ჩაერთოს ამ პროცესებში და ისიც დაგვეხმაროს. სხვა საკითხებზე მათ არ უსაუბრიათ. მხოლოდ საქმის გარშემო იყო ლაპარაკი. რაც შეეხება შეხვედრას, ორმხრივი ინიციატივა იყო. ეს ორივეს ინტერესეში იყო. ზაუტაშვილი დაუკავშირდა ელისაშვილის ადვოკატს და დაიგეგმა შეხვედრა“, - ამბობს ნიკოლაძე.

შეგახსენებთ, გუშინ ცნობილი გახდა, რომ ელისაშვილმა 22 დეკემბერს ე.წ. კოკაინის საქმეზე მსჯავრდებული ანსტასია ზაუტაშვილი მოინახულა. მანანა კობახიძემ ფაქტი ელისაშვილის მხრიდან კანონის დარღვევად შეაფასა და პროკურატურას მოუწოდა ფაქტით დაინტერესდეს.