დიასპორის საკითხებში სახელმწიფო მინისტრის მოადგილე სანდრო ბრეგაძე ერთსქესიანთა ქორწინების წინააღმდეგია. მისი თქმით, საკონსტიტუციო ცვლილებების მოთხოვნის უკან გარკვეული ჯგუფები დგანან, მათ შორის „ნაციონალური მოძრაობა“.

"გუშინ საკონსტიტუციო სასამართლოში შევიდა სარჩელი საქართველოში ერთსქესიანთა ქორწინების დაკანონების შესახებ. ჩვენ არ ვსაუბრობთ, რომ უნდა იდევნებოდნენ განსხვავებული სექსუალური ორიენტაციის ადამიანები, პირიქით, ჩვენ მათ უნდა მივცეთ განვითარების, საზოგადოებაში ნორმალურად ყოფნის საშუალება. მაგრამ ჩვენ კატეგორიულად ვეწინააღმდეგებით არა თუ ერთსქესიანი ქორწინებების დაკანონებას ქვეყანაში, არამედ ამ საკითხის განხილვასაც კი,“ - განაცხადა სანდრო ბრეგაძემ.

მინისტრის მოადგილის კომენტარს „რუსთავი 2“ ავრცელებს.