იუსტიციის მინისტრის თეა წულუკიანის განცხადებით, სასამართლოს გადაწყვეტილება ქართველი ტყვეების მკვლელობის ფაქტების გამოძიების საშუალებას იძლევა.

ამის შესახებ წულუკიანმა დღეს გამართულ პრესკონფერენციაზე განაცხადა.

მინისტრის თქმით, მან ეს საკითხი ჰააგის პროკურორის წინაშე მისი თბილისში ვიზიტისას დააყენა.

„თბილისში შეხვედრის შემდეგ სწორედ ყველა ტიპის, რომის სტატუტიდან გამომდინარე, დანაშაულზე აქვს პროკურორს მიღებული ნებართვა. შესაბამისად, ჩვენ გვეხსნება გზა, რომ ჰააგის გამოძიება მივმართოთ ქართველი ტყვეების − ანწუხელიძის, სოფრომაძისა და სხვების, მკვლელობის საქმეებზე. ეს იყო კიდეც ჩვენი პრიორიტეტი. ჩვენ შევძლებთ, ანწუხელიძის, სოფრომაძის, სხვა სამხედრო ტყვეების მკვლელობის თემაზე ვიმუშაოთ ჰააგის პროკურორთან ერთად“, − განაცხადა თეა წულუკიანმა.