ევროსაბჭოს მონიტორინგის კომიტეტი საქართველოს შესახებ მომზადებულ ანგარიშს განიხილავს

პოლიტიკა - 13:41, 28 Jan, 2016

798

ევროსაბჭოს მონიტორინგის კომიტეტი დღეს საქართველოს შესახებ მომზადებულ საინფორმაციო ანგარიშს განიხილავს, რომელშიც საქართველოში მონიტორების ვიზიტია შეფასებული და განხილულილა ის საკითხები, რომელიც მონიტორების ყურადღების ცენტრში მოექცა. მომხსენებლები ყურადღებას წინასაარჩევნო გარემოზე, საარჩევნო კოდექსში ცვლილებებიზე და მედია თავისუფლებაზე ამახვილებენ.

მომხსენებელი კონსტინ ლუნდგრენის თქმით ისინი ხელისუფლების და ოპოზიციის წარმომადგენლებს შეხვდნენ და მოახლოებულ არჩევნებსა და არსებულ სიტუაციაზე ორივე მხარისგან მიიღეს ინფორმაცია:

„სანამ ანგარიშს კომიტეტს არ გადავუგზავნი, კომენტარს არ გავაკეთებ, ჩვენ დღეს გვქონდა დისკუსიები შევხვდი ოპოზიციის წარმომადგენლებს, მათ ისაუბრეს მოახლოებულ არჩევნებსა და არსებულ სიტუაციაზე, რათქმა უნდა გვაინტერესებს განსხვავებული აზრი და შევხვდით საკონსტიტუციო სასამართლოს და მთავრობის წარმომადგენლებსაც. მედია პლურალიზმი და სარედაქციო დამოუკიდებლობა არის ძალიან მნიშვნელოვანი, ჩვენ ამას მუდმივად ვაკვირდებით“- განაცხადა ლუნდგრენიმ.

მომხსენებელ ბორის სილევიჩის თქმით საქართველოში ჩამოსვლა არჩევნებამდე კიდევ იგეგმება, რადგან მნიშვნელოვანია, რომ მოვლენებთან დაკავშირებით ინფორმაციის მიღება სანდო წყაროებიდან მოხდეს:

„არჩევნებამდე ვაპირებთ საქართველოში ჩასვლას, რადგან მნიშვნელოვანია ვადევნოთ თვალი მოვლენებს და მივიღოთ ინფორმაცია სანდო წყაროებიდან. ასამბლეა არჩევნების წინ რეზოლუციებს არ იღებს., ვინაიდან პოლიტიკურმა ოპონენტებმა შესაძლოა ეს საკუთარი პოზიციების გასაძლიერებლად გამოიყენონ. ასე რომ ასამბლეა არ ჩაერევა შიდა პოლიტიკურ ბრძოლებში. ჩვენ ვაგროვებთ ინფორმაციას, ვხვდებით სხვადასხვა პირებს, ვაძლევთ რჩევებს და ამით ბიძგს ვაძლევთ, რომ მოვლენები დადებით ჭრილში წარიმართოს. რაც შეეხება რუსთავი 2-ის საქმეს, ეს საკითხი ყოველთვის დგას დღის წესრიგში. გავეცანით ინფორმაციას თუ რა ეტაპზეა ახლა ეს საქმე. დაველოდებით სააპელაციო სასამართლოს გადაწყვეტილებას და შევეცდებით მოვუწოდოთ, რომ სამართლიანი სასამართლოს პრინციპი დაცული იყოს,“- განაცხადა მომხსენებელმა, ბორის სილევიჩმა.