შეწყალების კომისიის თავმჯდომარე პარლამენტის ვიცე-სპიკერის მანანა კობახიძის განცხადებებს სამარცხვინოს უწოდებს.

ელისაშვილი ანასტასია ზაუტაშვილთან შეხვედრის დეტალებს იხსნებეს და ამბობს, რომ მსჯავრდებულს მხოლოდ საქმის დეტალებსა და გარემოებებზე ესაუბრა.

"გაცხარებულ და გაწიწმატებულ მანანა კობახიძეს გადაეცით რომ მსჯავრდებულ ანასტასია ზაუტაშვილს მისი არაერთგზისი სატელეფონო ზარისა და თხოვნის შემდეგ შევხვდი. მარტივი გადასამოწმებელია ეს ფაქტი. კვალიფიციური, წესიერი და სინდისიერი ადვოკატის შერჩევაც ანასტასია ზაუტაშვილმა პირადად მთხოვა. სათაური დღეს გავრცელებულ ინფორმაციაში არაზუსტი იყო - მე მსჯავრდებულს ადვოკატი ვურჩიე და არ ამიყვანია. ხელფასზე დამოკიდებული კაცი ვარ და მაგდენი რომც მინდოდეს არც შემიძლია, უბრალოდ ერთი გულიანი, გულმოდგინე და სინდისიერი ადვოკატი ვურჩიე. ისეთი ვინც მას არც ფულს გამოსძალავს და არც პოლიტიკური სპეკულაციებისთვის გამოიყენებს. ასე რომ ქალბატონო მანანა, სანამ რამეს იტყოდეთ გირჩევთ ჯერ გადაამოწმოთ და ისე დაწეროთ ხოლმე. ვიცი მძიმე დღეში ხართ, ვიცი ანასტასია ზაუტაშვილთან ჩემმა შეხვედრამ კიდევ უფრო მძიმე მდგომარეობაში ჩაგაგდოთ, მაგრამ მაინც მოთოკეთ თავი. თორემ ხომ ხედავთ რამდენ შეცდომას უშვებთ. ეს შეცდომები კი ყოველ ჯერზე ძვირად გიჯდებათ. ისიც იცოდეთ რომ მე ამ საქმეს ბოლომდე მივიყვან", - ზერს ელისაშვილი.

შეგახსენებთ, გუშინ ცნობილი გახდა, რომ ელისაშვილმა 22 დეკემბერს ე.წ. კოკაინის საქმეზე მსჯავრდებული ანსტასია ზაუტაშვილი მოინახულა. მანანა კობახიძემ ფაქტი ელისაშვილის მხრიდან კანონის დარღვევად შეაფასა და პროკურატურას მოუწოდა ფაქტით დაინტერესდეს.