ეროვნული ბანკის საბჭოს წევრობაზე პრეზიდენტის ადმინისტრაციაში ამ დროისთვის 6 კანდიდატურაა წარდგენილი. ამ თემასთან დაკავშირებით საქართველოს პრეზიდენტის ადმინისტრაციის უფროსმა გიორგი აბაშიშვილმა დღეს ბრიფინგი გამართა და განაცხადა რომ დღეს კანდიდატურის წარდგენის პროცესი დასრულდა და დაიწყო შემდგომი ეტაპი, კერძოდ კანდიდატების განხილვა ექსპერტების მიერ, წინასწარ შერჩეული კრიტერიუმების მიხედვით.

წარდგენილი 6 კანდიდატია: გიორგი ბაქარაძე, არჩილ იაკობაშვილი, გიორგი ფაილოძე, თემო ჭეიშვილი, მაია მელიქიძე და კობა გვენეტაძე.

"ექსპერტები კანდიდატებს განიხილავენ წინასწარ შერჩეული კრიტერიუმების მიხედვით. ესენია - პროფესიული განათლება, პროფესიული კვალიფიკაცია და პოლიტიკური მიუკერძოებლობა. ექსპერტებთან განხილვის შემდგომ უკვე მომდევნო კვირაში მე მექნება კომუნიკაცია კანდიდატებთან, რის შემდეგაც კანდიდატები და ექსპერტთა შეფასებები უკვე წარედგინება საქართველოს პრეზიდენტს საბოლოო გადაწყვეტილების მისაღებად" - განაცხადა აბაშიშიშვილმა.