უმრავლესობის დეპუტატი დავით ლორთქიფანიძე მიხეილ ჯანელიძესთან დაკავშირებით თანაგუნდელის ნუკრი ქანთარიას განცხადებას ეხმაურება.

დეპუტატმა არ იცის მიიღებს თუ არა ქანთარია ამ განცხადების გამო შენიშვნას.

„მუშტი-კრივი ხომ არ არის, სახელმწიფოს აქვს თავისი პოზიცია, ლავროვი დააფიქსირებს თავის პოზიციას, მაგრამ დღეს ამაზე ლაპარაკი ნაადრევია მგონია, რადგან ამას სჭირდება სერიოზული მომზადება. ნუკრი შენიშვნას დაიმსახურებს თუ არ დაიმსახურებს ეს უნდა კუთხოთ ფრაქციის ლიდერს,“ - განაცხადა დავით ლორთქიფანიძემ „რუსთავი 2“-თან საუბრისას.

საპარლამენტო უმრავლესობის წევრი ნუკრი ქანთარია რუსეთის საგარეო უწყების ხელმძღვანელის სერგეი ლავროვის განცხადებებს გამოეხმაურა. ქანთარია რუსეთთან მოლაპარაკებების დაწყებას აუცილებლად მიიჩნევს, თუმცა მისი თქმით საგარეო საქმეთა მინისტრ მიხეილ ჯანელიძეს საამისოდ გამოცდილება აკლია და თუ დღის წესრიგში მოლაპარაკებები დადგა, რუსეთის მთავარ დიპლომატს თედო ჯაფარიძე უნდა შეხვდეს.