ევროინტეგრაციის საკითხებში სახელმწიფო მინისტრი დავით ბაქრაძე მიხეილ ჯანელიძესთან დაკავშირებით ნუკრი ქანთარიას განცხადებას არ ეთახმება.

მისი თქმით, ჯანელიძე კომპეტენტური და გამოცდილების მქონე ადამიანია, მათ შორის საგარეო პოლიტიკური განხორციელების კუთხით.

„კომპეტენციაში ეჭვის შეტანა იმას ნიშნავს, რომ არ იცნობენ ამ პიროვნებას და მის კომპეტენციას. მიხეილ ჯანელიძე არის ძალიან კომპეტენტური, მათ შორის სწორედ საგარეო პოლიტიკური კურსის განხორციელების თვალსაზრისით", - განაცხადა ბაქრაძემ.

საპარლამენტო უმრავლესობის წევრი ნუკრი ქანთარია რუსეთის საგარეო უწყების ხელმძღვანელის სერგეი ლავროვის განცხადებებს გამოეხმაურა. ქანთარია რუსეთთან მოლაპარაკებების დაწყებას აუცილებლად მიიჩნევს, თუმცა მისი თქმით საგარეო საქმეთა მინისტრ მიხეილ ჯანელიძეს საამისოდ გამოცდილება აკლია და თუ დღის წესრიგში მოლაპარაკებები დადგა, რუსეთის მთავარ დიპლომატს თედო ჯაფარიძე უნდა შეხვდეს.