თავდაცვის მინისტრი თინა ხიდაშელი საპარლამენტო უმრავლესობის წევრის, ნუკრი ქანთარიას განცხადებას გამოეხმაურა.

როგორც ხიდაშელმა თემის კომენტირებისას აღნიშნა, "ცოტა მეტი ფიქრი ჭირდებათ იმ პარტიაში, სადაც ასეთი განცხადებები კეთდება".

"ძალიან ვწუხვარ, რომ ნუკრი ქანთარია პროეფსიონალ და ახალგაზრდა საგარეო საქმეთა მინისტრთან დაკავშირებით ასეთ განცხადებებს აკეთეთებს. საქართველოს ჰყავს საგარეო საქმეთა მინისტრი იმ პოლიტიკური გუნდიდან, რომელსაც ეკუთვნის ნუკრი ქანთარია. თუ მას რამე კითხვები ქონდა მიხეილ ჯანელიძესთან, ამის საშუალება ქონდა საქართველოს პარლამენტში. მე ვფიქრობ, რომ ცოტა მეტი ფიქრი ჭირდებათ იმ პარტიაში, სადაც ეს განცხადებები კეთდება, რომ საკუთარ მინისტრებზე ასეთ განცხადებებს არ უნდა აკეთებდნენ“-აღნიშნა თინა ხიდაშელმა.

საპარლამენტო უმრავლესობის წევრმა, ნუკრი ქანთარიამ დღეს განაცხადა, რომ საქართველოს საგარეო საქმეთა მინისტრ მიხეილ ჯანელიძეს სერგეი ლავროვთან შეხვედრისთის კომპეტენცია არ ეყოფა.